Market Bulletin: सोयाबीन दरात सुधारणाराज्यातील बाजारात सोयाबीनच्या भावात सुधारणा दिसून आली. प्रक्रिया प्लांट्सचे भाव प्रतिक्विंटल सरासरी ४७०० ते ४९०० रुपयांपर्यंत पोचले आहेत. सोयाबीनची बाजारातील आवक सरासरीपेक्षा कमीच आहेत. राज्यातील शेतकरी सरकारला हमीभावाने सोयाबीन विक्रीसाठी खरेदी सुरु होण्याची वाट पाहत आहेत. बाजारात सध्या बियाणे गुवणत्तेच्या सोयाबीनची खरेदी जोरात सुरु आहे. या सोयाबीनच्या भावात मोठी तेजी आली आहे. तर इतर सोयाबीन बाजारात ४ हजार १०० ते ४ हजार ४०० रुपयाने विकले जात आहे. सोयाबीनचे भाव टिकून राहू शकतात, असा अंदाज सोयाबीन बाजारातील अभ्यासकांनी व्यक्त केला..कापूस दबावातचदेशातील बाजारात कापसाचे भाव दबावातच आहेत. देशातील बाजारात सध्या पावसामुळे गुणवत्ता कमी झालेल्या कापसाची आवक जास्त आहे. सीसीआय या दर्जाचा कापूस घेत नाही. त्यामुळे हा कापूस शेतकऱ्यांना खुल्या बाजारात विकावा लागत आहे. कापसाला सध्या बाजारात प्रतिक्विंटल सरासरी ६ हजार ७०० ते ७ हजार १०० रुपयांच्या दरम्यान भाव मिळत आहे. तर हमीभाव ८ हजार ११० रुपये आहे. सीसीआयच्या खरेदी दरापेक्षा म्हणजेच हमीभावापेक्षा हा भाव १ हजार ते १४०० रुपयाने कमी आहे. त्यामुळे शेतकऱ्यांनी शक्य असल्यास सीसीआयलाच कापूस विकावा, असे आवाहन कापूस बाजारातील अभ्यासकांनी केले आहे..Cotton Market: हिंगणघाट बाजार समितीत ५२३ ट्रक कापसांची आवक.तूर बाजारतील मंदी कायमदेशातील बाजारात तुरीची आवक कमी असतानाही भाव मंदीत आहेत. दिवळीनंतर दरावरील दबाव कायम आहे. तुरीला प्रतिक्विंटल सरासरी ६ हजार ६०० ते ६ हजार ९०० रुपयांचा भाव मिळत आहे. देशातील तुरीचे उत्पादन कमी झाले तरी आयातीचा लोंढा कायम आहे. विक्रमी तूर आयात झाल्याचा दरावर परिणाम होत आहे. तुरीची मुक्त आयात ३१ मार्च २०२६ पर्यंत कायम ठेवण्यात आली. याचा दबाव देशातील भावावर होत आहे. तुरीच्या भावात आणखी काही दिवस काहीसे चढ उतार दिसू शकतात, असा अंदाज तूर बाजारातील अभ्यासकांनी व्यक्त केला..Turmeric Production: देशात हळद उत्पादन वाढण्याचा अंदाज.दोडक्याच्या दरात सुधारणाशिराळी दोडक्याची बाजारात सध्या आवक कमी आहे. मात्र बाजारात शिराळी दोडक्याला चांगला उठाव मिळत आहे. यामुळे दोडक्याच्या दरात मागील काही दिवसांपासून काहीशी सुधारणा झाली आहे. दोडका पिकाला पावसाचा फटका बसला. त्यामुळे उत्पादन कमी आल्याचे शेतकरी सांगत आहेत. पुणे, मुंबई, नाशिक, नागपूर या मोठ्या बाजारांमधील आवकही कमी आहे. त्यामुळे शिराळी दोडक्याला बाजारात ४००० ते ४ हजार ५०० रुपये भाव मिळत आहे. शिराळी दोडक्याची बाजारातील आवक आणखी काही दिवस कमीच राहू शकते. त्यामुळे दरही टिकून राहू शकतात, असा अंदाज भाजीपाला बाजारातील जाणकारांनी व्यक्त केला..उडदाचे भाव दबावातराज्यातील बाजारात उडदाची आवक कमीच आहे. परंतु उडदाला खूपच कमी भाव मिळत आहे. उडदाचा हमीभाव ७८०० रुपये आहे. परंतु सध्या बाजारात उडदाला सरासरी ५ हजार ते ६ हजारांच्या दरम्यान भाव मिळत आहे. यंदा पावसामुळे उडीद पिकाला जोरदार दणका दबला. त्यामुळे उडदाची गुणवत्ता कमी झाली. कमी गुणवत्ता असलेला उडीद बाजारात अगदी ४५०० रुपयांपासून विकला जात आहे. ऐन उडीद काढणीच्या काळात पावसाने नुकसान केले. त्यामुळे पुढील काळातही गुणवत्तापूर्ण उडदाची बाजारातील आवक मर्यादीतच राहू शकते, असा अंदाज उडीद बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
