Market Bulletin: कापसाचे दर नरमलेकेंद्र सरकारने आयात शुल्काविना कापूस आयातीला मुदतवाढ दिली आहे. त्याचा बाजारावर परिणाम दिसून येत आहे. सीसीआयने कापूस विक्रीचे दर मागील दोन दिवसांमध्ये आणखी कमी केले. सीसीआयने आयात शुल्क काढल्यापासून कापूस विक्रीचे दर खंडीमागे २ हजार ५०० रुपयाने कमी केले. आयात वाढीची शक्यता असल्याने देशातील बाजारावर त्याचा दबाव दिसून येत आहे. शेतकऱ्यांचा कापूस बाजारात विक्रीसाठी येईल त्यावेळी बाजारावर आणखी दबाव येणार आहे. त्यामुळे शेतकऱ्यांना यंदा हमीभावाने कापूस विक्री करणे फायदेशीर ठरणार आहे. .कांदा बाजारावर दबावदेशातील बाजारता कांद्याचे भाव दबावातच आहेत. कांद्याच्या भावात मागील काही दिवसांपासून चढ उतार सुरु आहेत. आज कांद्याचा भाव अनेक बाजारात ११०० ते १३०० रुपयांच्या दरम्यान होते. कांद्याचे भाव काहीसे नरमले होते. बाजारातील कांद्याची आवक कायम आहे. दर कमी झाल्यामुळे शेतकरी मात्र अडणीत आले आहेत. यंदा रब्बी कांदा बाजारात आल्यापासून दरावर दबाव आहे. पावसाचाही परिणाम कांदा गुणवत्तेवर होत आहे. त्यामुळे अनेक शेतकऱ्यांना कांदा विकावा लागत आहे. नाफेड आणि एनसीसीएफच्या खेरदीमुळेही दर पडत असल्याचे शेतकरी सांगत आहेत. .Moong Market: अहिल्यानगरला मुगाची आवक वाढली .आल्यातील तेजी कायमबाजारातील आल्याची आवक कमी झाल्यापासून दरात सुधारणा दिसून येत आहे. मागील महीनाभरातच आल्याचे दर क्विंटलमागे १५०० रुपयाने वाढले आहेत. मागील काही महीने आल्याच्या भावात मंदी होती. आल्याचे भाव २ हजारांच्याही खाली काही बाजारात आले होते. परंतु बाजारातील आवक कमी झाल्यानंतर दरात सुधारणा होत गेली. सध्या आले ४ हजार ते ५ हजार रुपये प्रतिक्विंटलच्या दरम्यान विकले जात आहे. पुढील काळात सणासुदीमुळे आल्याला चांगला उठाव राहील. त्यामुळे आल्याच्या दरात आणखी सुधारणा होऊ शकते, असा अंदाज व्यापारी आणि अभ्यासकांनी व्यक्त केला. .Agrowon Podcast: लसूण, हळदीला चांगला उठाव; डाळिंब व गवार तेजीत, पपईची आवक घटली.हिरवी मिरची टिकूनबाजारातील हिरव्या मिरचीची आवक पुन्हा मर्यादीत झाली आहे. नुकत्याच झालेल्या पावसाचा फटका मिरची पिकाला बसला. अनेक भागात पिकाचे मोठे नुकसान झाले. त्यामुळे हिरव्या मिरचीची बाजारातील आवक कमी झाली आहे. आजही अनेक बाजारातील आवक ५० क्विंटलच्या दरम्यान आहे. तर दुसरीकडे हिरव्या मिरचीला उठाव चांगला आहे. याचा आधार मिरचीला मिळत आहे. सध्या राज्यातील बाजारात हिरव्या मिरचीला प्रतिक्विंटल सरासरी ३ हजार ५०० ते ४ हजार रुपये दर मिळत आहे. बाजारातील आवक आणखी काही आठवडे मर्यादीत राहून दर टिकून राहू शकतात, असा अंदाज व्यापाऱ्यांनी व्यक्त केला. .उडदाचा भाव दबावातचदेशातील बाजारात उडदाची आवक कमीच आहे. मात्र तरीही उडदाचे भाव दबावात आहेत. उडदाला सरासरी ६ हजार ५०० ते ७ हजारांचा भाव मिळत आहे. उडादाची बाजारातील आवक कमी असली तरी आयात माल जास्त आहे. आयात उडादाचा स्टाॅक देशात आहे. त्याचा दबाव दरावर असल्याचे प्रक्रियादार सांगत आहेत. यंदा देशातील उडदाची लागवड गेल्यावर्षीप्रमाणे झाल्याचे दिसत आहे. तसेच देशातील अनेक भागात पिकाची स्थितीही चांगली आहे. त्यामुळे यंदा उत्पादन वाढीची शक्यता व्यक्त केली जात आहे. नवा उडीद पुढील काही आठवड्यांमध्ये बाजारात येईल. त्यामुळे दरावर दबाव राहू शकतो, असा अंदाज उडीद बाजारातील अभ्यासक व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
