Market Bulletin: सोयाबीन दरात वाढराज्यातील खुल्या बाजारात सोयाबीन दरात वाढ झाली आहे. राज्यातील अनेक बाजारात सोयाबीन दराने हमीभावाचा टप्पा ओलांडला आहे. तर प्रक्रिया प्लांट्सचे दर ६ हजारांवर पोहचले आहेत. मागील तीन दिवसात प्रक्रिया प्लांट्सने दरात प्रतिक्विंटल ३०० ते ४०० रुपयांचे वाढ केली आहे. तर सोयाबीन दराने हमीभावाचा टप्पा पार करत ५ हजार ५०० रुपयांकडे वाटचाल करत आहे. राज्यातील खुल्या बाजारात सरासरी ५ हजार २०० ते ५ हजार ६०० रुपयांचा दर मिळत आहे. पुढील काळात सोयाबीनचे दर टिकून राहू शकतात, असा अंदाज सोयाबीन बाजारातील जाणकारांनी व्यक्त केला आहे..कापसाचे भाव स्थिरसध्या कापूस बाजारात आवक कमीच आहे. तर कापूस दरवाढीसाठी अनुकूल स्थिती निर्माण झाली आहे. परंतु सीसीआयने कापूस विक्रीला सुरुवात केली आहे. सीसीआय कमी दरात कापसाची विक्री करत आहेत. त्यामुळे कापूस दर वाढ काहीशी ठप्प झाली आहे. देशभरात मागील दोन आठवड्यापासून कापसाचे दर टिकून आहेत. सध्या कापसाला प्रतिक्विंटल सरासरी ८ हजार ते ८ हजार ३०० रुपयांचा दर मिळत आहे. सरकीचे भाव ४ हजार १०० ते ४ हजार २०० रुपयांच्या दरम्यान आहेत. सीसीआयची कापूस विक्रीचे भाव कमी आहेत, तोवर कापूस भावही स्थिर दिसू शकतात. त्यामुळे पुढील काळात कापूस दरात मोठी उलाढाल होण्याची शक्यता कमी असल्याचे अभ्यासक सांगतात..Ethanol Blending: इथेनॉलमुळे १९ अब्ज डॉलर्स परकीय चलनाची बचत.गाजराचे दर कायमराज्यातील बाजारात गाजराची आवक कमीच आहे. त्यामुळे गाजराला उठाव चांगला आहे. राज्यात प्रमुख बाजारात गाजराला सरासरी प्रतिक्विंटल १ हजार ५०० रुपये ते २ हजार रुपयांचा दर मिळत आहे. मागील दोन आठवड्यापासून गाजराचे भाव टिकून आहेत. तर राज्यातील इतर बाजारात आवक कमीच आहे. उठाव मात्र चांगला आहे. त्यामुळे पुढील काही दिवस गाजर दर कायम राहण्याची शक्यता व्यापारी व्यक्त करत आहेत..Red Chilli Rate: मागणी वाढल्याने मिरचीला उच्चांकी दर.भेंडीची आवक कमीराज्यातील बाजारात भेंडीला दराला मागणीचा आधार आहे. राज्यातील बाजारात भेंडीची आवक कमी आहे. उठाव मात्र चांगला आहे. राज्यातील भेंडी पिकाला ढगाळ वातावरणामुळे कीडरोगांचा फटका बसत आहे. त्यामुळे शेतकऱ्यांचे उत्पादन घटले आहे. प्रमुख बाजारात भेंडीची विक्री सरासरी प्रतिक्विंटल ३ हजार ते ३ हजार ५००० रुपयांच्या दरम्यान होत आहे. बाजारात आवक कमी असून पुढील काळात दर टिकून राहतील, असा अंदाज बाजार अभ्यासकांनी दिला आहे..मोसंबी आवक कमीमोसंबीची बाजारात आवक कमी आहे. मात्र मोसंबीला उठाव काहीसा वाढला आहे. सध्या मोसंबीला बाजारात सरासरी प्रति क्विंटल ३ हजार ५०० ते ४ हजार रुपयांचा दर मिळत आहे. ढगाळ वातावरणाचा मोसंबी पिकाला काहीसा फटका बसला आहे. दोन आठवड्यांपूर्वी आवक सुधारली होती. परंतु सध्या मात्र आवक कमी झाली आहे. काही बाजारात मोसंबीला ५ हजारांचा दरही मिळत आहे. पुढील काळात मोसंबीचे दर टिकून राहतील, असा अंदाज जाणकार व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
