Market Bulletin: सोयाबीनची आवक कमीचदेशातील बाजारात सोयाबीनची आवक सरासरीपेक्षा कमीच आहे. तरीही बाजारात सोयाबीनचा भाव दबावातच आहे. उत्पादन घटल्यानंतर शेतकरी दरात वाढीची अपेक्षा करत आहेत. मात्र अजूनही अपेक्षित दर झाला नाही. प्रक्रिया प्लांट्सचे सोयाबीन खेरदीचे भाव ४ हजार ७५० ते ४ हजार ८५० रुपये या दरम्यान होते. बाजार समित्यांमध्ये सोयाबीन सरासरी ४ हजार ते ४ हजार ५०० रुपयाने विकली जात आहे. सोयाबीनला बाजारात गुणवत्ता आणि ओलाव्यानुसार दर मिळत आहे. सोयाबीन बाजारातील ही स्थिती कायम राहील, असा अंदाज सोयाबीन बाजारातील अभ्यासकांनी व्यक्त केला. .कापसात काहीसे चढ उतारदेशातील बाजारात कापसाची आवक सरासरीपेक्षा कमीच आहे. तरीही शेतकऱ्यांना अपेक्षित दर मिळताना दिसत आहे. सीसीआयची कापूस खरेदीही दिवसेंदिवक वाढत आहे. यामुळे अनेक बाजारांमध्ये कापसाच्या दरात काहीशी सुधारणा झाली. मराठवाड्यातील बाजारांमध्ये दर काहीसे अधिक दिसत आहेत. मराठवाड्यात अतिवृष्टीने मोठे नुकसान केले होते. याचा परिणाम कापसाच्या दरावर दिसत आहे. देसात सध्या कापूस सरासरी ६ हजार ९०० ते ७ हजार ३०० रुपयांच्या दरम्यान विकला जात आहे. देशातील कापसाचे उत्पादनही कमी झाले आहे. परंतु आयातीचा दबाव आहे. यामुळे पुढील काही आठवडे कापसाचा बाजार या भावपातळीच्या दरम्यान राहू शकतो, असा अंदाज कापूस बाजारातील अभ्यासकांनी व्यक्त केला..Ethanol Production: मक्यापासून इथेनॉल निर्मिती करा.शेवग्यातील तेजी कायमराज्यातील बाजारात शेवग्याच्या दरातील तेजी कायम आहे. राज्यातील केवळ पुणे आणि मुंबई बाजारातच शेवग्याची आवक अधिक दिसत आहे. इतर बाजारांमधील आवक १० क्विंटलपेक्षाही कमी आहे. त्यामुळे सध्या शेवग्याला सरासरी ८ हजार ते १० हजार रुपयांच्या दरम्यान दर मिळत आहे. सध्या शेवग्याची आवक कमीच आहे. तर दुसरीकडे शेवग्याला उठाव चांगला आहे. शेवग्याची आवक पुढील काही दिवस तरी कमीच राहण्याची शक्यता आहे. त्यामुळे राज्यातील बाजारात शेवग्याचे दरही काही दिवस तेजीतच राहू शकतात, असा अंदाज शेवगा बाजारातील जाणकारांनी व्यक्त केला..India Agri Export: ‘ट्रम्प टॅरिफ’नंतरही शेतीमाल निर्यात चढी.हरभरा दर दबावातचदेशातील बाजारात हरभऱ्याची आवक कमीच आहे. तर दुसरीकडे हरभऱ्याला उठाव आहे. मात्र तरीही हरभरा दर दबावातच आहेत. हरभऱ्याला हमीभावापेक्षाही कमी दर मिळत आहे. केंद्र सरकारने यंदाच्या हंगामात हरभऱ्याला प्रतिक्विंटल ५८७५ रुपये हमीभाव जाहीर केला. तर बाजारात सध्या हरभरा ४ हजार ९०० ते ५ हजार २०० रुपयाने विकला जात आहे. आयात मोठ्या प्रमाणात होत असल्याने दर दबावात आहेत. हरभरा आयात आणि वाटाणा आयातीमुळे हरभरा दरावरील दबाव कायम राहील, असा अंदाज हरभरा बाजारातील अभ्यासकांनी व्यक्त केला..मटारला उठावराज्यातील बाजारात सध्या मटारची आवक खुपच कमी आहे. त्यामुळे दरही तेजीत आहेत. मटारला विशिष्ट खाद्यपदार्थांमध्ये मागणी असतेच. परंतु पावसाने पिकाचे उत्पादन कमी झाल्याचे शेतकरी सांगत आहेत. सध्या पुणे आणि मुंबई बाजारातच मटारची आवक चांगली दिसत आहे. इतर बाजारांमधील आवक कमीच आहे. यामुळे दराला चांगला आधार आहे. सध्या मटार बाजारात ७ हजार ते ८ हजार रुपये प्रतिक्विटलच्या दरम्यान विकला जात आहे. मटारची आवक पुढील काही दिवस कमीच राहण्याची शक्यता आहे. त्यामुळे दरही चांगले राहू शकतात, असा अंदाज व्यापारी व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
