Market Bulletin: सोयाबीन टिकूनराज्यातील बाजारात मागील दोन दिवसांपासून सोयाबीनचे दर टिकून आहेत. हमीभावाने खेरदी वाढल्यानंतर खुल्या बाजारात सोयाबीनची आवक मर्यादीत होत आहे. त्यामुळे प्रक्रिया प्लांट्सचे खरेदी भाव ५ हजार ते ५ हजार १५० रुपयांच्या दरम्यान पोचले आहेत. तर बाजार समित्यांमधील सोयाबीनची खरेदी प्रतिक्विंटल ४ हजार ४०० ते ४ हजार ७०० रुपयांच्या दरम्यान होत आहे. बाजारातील सोयाबीनची आवक पुढील काही दिवसांमध्ये आणखी कमी होण्याची शक्यता आहे. या काळात सोयाबीनच्या दराला आधार मिळेल, असा अंदाज सोयाबीन बाजारातील अभ्यासकांन व्यक्त केला..कापूस दरात सुधारणादेशातील बाजारात कापसाची आवक जास्त दिसत असली तरी जास्तीत जास्त कापूस सीसीआय खरेदी करत आहे. त्यामुळे खुल्या बाजारात जिनिंगला कमी कापूस मिळत आहे. याचा आधार कापूस दराला मिळत आहे. कापसाचे भाव त्यामुळे वाढले आहेत. काही बाजारांमध्ये गुणवत्तेचा कापूस ८ हजारानेही विकला जात आहे. तर सरासरी बाजारभाव ७ हजार ३०० ते ७ हजार ७०० रुपयांच्या दरम्यान पोचला आहे. दिवसेंदिवस सीसीआयची खरेदी वाढत आहे. यंदा उत्पादनही कमी आहे. त्यामुळे कापसाच्या दराला पुढील काळातही आधार राहील, असा अंदाज कापूस बाजारातील अभ्यासकांनी व्यक्त केला आहे..Agrowon Podcast: सरकीचे दर तेजीत; सोयाबीनमधील वाढ कायम, जिरा दरात सुधारणा, हळदीला आधार तर गव्हाचे दर टिकून.मका स्थिरावलादेशातील बाजारात मक्याची आवक चांगली सुरु आहे. तर दुसरीकडे मक्याला उठाव मर्यादीत आहे. याचा दबाव दरावर येत आहे. मक्याचे उत्पादनही यंदा वाढले आहे. रब्बीतील लागवड चांगली सुरु आहे. यामुळे पुढील काळातही मक्याची आवक राहण्याची शक्यता आहे. सध्या बाजारात मका सरासरी १६०० ते १८०० रुपयांच्या दरम्यान विकला जात आहे. तर गुणवत्तेचा मका २ हजारांच्या दरम्यान आहे. मक्याची बाजारातील आवक पुढील काळातही चांगलीच राहण्याची शक्यता आहे. त्यामुळे पुढील काही दिवस तरी मक्याचे भाव स्थिर राहतील, असा अंदाज मका बाजारातील अभ्यासकांनी व्यक्त केला आहे..Soybean Market: सोयाबीन बाजारातील सारीपाट.बोरांना मागणीराज्यातील बाजारात बोरांची आवक दिवसेंदिवस सुधारत आहे. तर दुसरीकडे बोरांनाही मागणीही चांगली आहे. याचा आधार दराला आहे. सध्या बाजारात बोरांना गुणवत्ता आणि वाणानुसार सरासरी ३ हजार ते ४ हजारांच्या दरम्यान दर मिळत आहेत. बोरांची यंदा आवक कमीच राहण्याची शक्यता आहे. आधी पावसाने अनेक भागात फुलोरा गळून पडला. त्यानंतर थंडी आणि बदलत्या वातावरणामुळे फळांची गुणवत्ता कमी झाली. कीड मोठ्या प्रमाणात पडल्याने बोरांची आवक कमी असल्याचे शेतकरी सांगत आहेत. बाजारातील बोरांची आवक आणि दर पुढील काही दिवस टिकून राहू शकतात, असा अंदाज व्यापारी व्यक्त करत आहेत..कांदा दरात काहीशी सुधारणाकांद्याच्या दरात कालपासून पुन्हा काहीशी सुधारणा काही बाजारांमध्ये दिसून आली. मागच्या आठवड्यात भाव काहीसे कमी झाले होते. बाजारातील आवक सुधारल्याचा परिणाम दरावर दिसून आला होता. मात्र आवक पुन्हा आठवडाभर काहीशी कमी होण्याची शक्यता आहे. त्यामुळे दरात १०० रुपयांपर्यंत सुधारले आहेत. बाजारात कांदा सरासरी १४०० ते १८०० रुपयांच्या दरम्यान विकला जात आहे. पुढील आठवडाभर आवक काहीशी कमी होण्याची शक्यता आहे. त्यामुळे दरातही काहीशी सुधारणा दिसू शकते,असा अंदाज कांदा बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
