Market Bulletin: सोयाबीनचा भाव दबावातचराज्यात सध्या सोयाबीनचा भाव दबावातच आहे. सोयाबीनची बाजारतील आवक चांगली सुरु आहे. तर दुसरीकडे बाजारभाव हमीभावापेक्षा किमान १५०० रुपयाने कमी आहेत. सध्या बाजारात सोयाबीन ३५०० ते ४ हजार रुपयाने विकली जात आहे. राज्यात सोयाबीनची हमीभावाने खरेदी अद्याप सुरु झालेली नाही. सोयाबीन विक्रीसाठी नोंदणी ३० ऑक्टोबरपासून सुरु होईल, असे मुख्यमंत्र्यांनी सांगितले. मात्र, सोयाबीनची खरेदी नोव्हेंबरच्या पहिल्या आठवड्यात सुरु होण्याचा अंदाज व्यक्त केला जात आहे. सोयाबीनची हमीभावाने खरेदी सुरु झाल्यानंतर खुल्या बाजारातही सोयाबीनला काहीसा आधार मिळू शकतो, असा अंदाज सोयाबीन बाजारातील अभ्यासकांनी व्यक्त केला. .केळीची आवक टिकून बाजारात सध्या केळीला चांगला उठाव आहे. दिवाळी सणाची मागणी असतानाही दरात मात्र सुधारणा दिसून आली नव्हती. केळीच्या कोरकोळ विक्री दरात वाढ झाली होती. शेतकऱ्यांना मात्र याचा लाभ मिळाला नाही, असे शेतकऱ्यांनी सांगितले. सध्या बाजारात केळी दर्जा आणि वाणानुसार प्रतिक्विंटल सरासरी १२०० ते १५०० रुपयांच्या दरम्यान विकली जात आहे. काही बाजारात तर अगदी ५०० रुपयांपासून दर मिळत आहेत. त्यामुळे केळी उत्पादक अडचणीत आले आहेत. केळीचे दर पुढील काही आठवडे स्थिर दिसू शकतात, असा अंदाज केळी बाजारातील जाणकारांनी व्यक्त केला. .Jaggery Rate: पाडव्याच्या मुहूर्तावर सौद्यात गुळाला ४५०० रुपये दर.कोथिंबीरचा भाव तेजीतचबाजारात आजही पालेभाज्यांची आवक कमीच आहे. कोथिंबीरची आवक अद्यापही मर्यादीत आहे. मागणीपेक्षा आवक कमी असल्याने कोथिंबीरच्या दरातील तेजीही टिकून आहे. आजही बहुतांशी बाजारांमधील आवक २० क्विंटलपेक्षाही कमी आहे. त्यामुळे कोथिंबीर सरासरी ६ हजार ते ७ हजार रुपये प्रतिक्विंटलच्या दरम्यान विकली जात आहे. तर शेकडा १ हजार ते १२०० रुपयांचा दर मिळत आहे. कोथिंबीरचे कोढणीयोग्य प्लाॅट कमी आहेत. मात्र, पुढील काही आठवड्यांमध्ये बाजारातील आवक वाढू शकते. तोपर्यंत बाजारातील आवक आणि दर टिकून राहू शकतात, असा अंदाज व्यापारी आणि शेतकरी व्यक्त करत आहेत. .Cotton Rate: सेलू बाजार समितीत पाडव्याला कापसाला सरासरी ७१५० रुपये दर.बाजरी नरमलीराज्यातील बाजारात खरिपातील बाजरीची आवक सुरु झाली. देशातील बाजारांमध्येही आवक वाढली आहे. बाजरीची आवक वाढल्याने दरावरही परिणाम दिसून येत आहे. बाजारीचे दर अनेक बाजारांमध्ये क्विंटलमागे १०० ते २०० रुपयाने नरमल्याचे दिसत आहे. सध्या बाजारात बाजरीला वाण आणि गुणवत्तेप्रमाणे सरासरी २२०० ते २७०० रुपयांच्या दरम्यान दर मिळत आहे. बाजारीचे दर कमी असल्याने शेतकरी मात्र अडचणीत आले आहेत. पुढील काही आठवड्यांमध्ये बाजारातील बाजरीची आवक चांगली राहण्याची शक्यता आहे. त्यामुळे दरावर दबाव राहू शकतो, असा अंदाज अभ्यासकांनी व्यक्त केला..काकडीला उठावराज्यात दुपारच्या वेळी ऑक्टोबर हीटचा चटका जाणवत आहे. त्यामुळे काकडीलाही बऱ्यापैकी उठाव मिळत असल्याचे व्यापारी सांगत आहेत. बाजारातील काकडीची आवकही सरासरीच आहे. त्यामुळे काकडीला बाजारात १५०० ते २ हजार रुपयांच्या दरम्यान दर मिळत आहे. काकडीची लागवड अनेक भागात कमी असल्याचे शेतकरी सांगत आहेत. त्यामुळे पुढील काही आठवडे बाजारातील आवकही मर्यादीतच राहू शकते. परिणामी दरही टिकून राहू शकतात, असा अंदाज व्यापारी आणि जाणकार शेतकऱ्यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
