Market Bulletin: सोयाबीनचे भाव दबावातचदेशातील बाजारात सोयाबीनचे भाव दबावातच आहे. नाफेड आणि एनसीसीएफच्या सोयाबीनची विक्री सुरु आहे. त्यामुळे देशात वाढलेले दर मागील २ आठवड्यात पुन्हा कमी झाले. मागील दोन आठवड्यातच भाव जवळपास १५० रुपयांनी कमी झाले आहेत. प्रक्रिया प्लांट्सचे भाव आज ४ हजार ६५० ते ४ हजार ७५० रुपयांच्या दरम्यान होते. तर बाजार समित्यांमध्ये सोयाबीन ४ हजार २५० ते ४ हजार ४०० रुपयांच्या दरम्यान आहेत. पुढील महिनाभरात बाजारातील सोयाबीनची आवक वाढणार आहे. त्यामुळे सोयाबीनच्या दरात काहीसे चढ उतार राहतील, असा अंदाज सोयाबीन बाजारातील अभ्यासकांनी व्यक्त केला..कोथिंबीरचे भाव स्थिरावलेमागील तीन आठवड्यांमध्ये कोथिंबीरच्या भावात काहिशी घट दिसून आली होती. मात्र, गेल्या आठवडाभरात कोथिंबीरचे दर स्थिरावले आहेत. बाजारातील आवक वाढली तरी मागणीपेक्षा अतिरिक्त पुरवठा मर्यादीत आहे. त्यामुळे दर टिकून असल्याचे व्यापारी सांगत आहेत. सध्या बाजारात कोथिंबीर प्रतिक्विंटल सरासरी २ हजार ५०० ते ३ हजार ५०० रुपयांच्या दरम्यान विकली जात आहे. तर प्रति जुडी ५ ते ७ रुपयांच्या दरम्यान शेतकऱ्यांना भाव मिळत आहे. कोथिंबीरला बाजारात चांगली मागणी राहील. त्यामुळे कोथिंबीरचे दर काहीसे टिकून राहतील, असा अंदाज व्यापाऱ्यांनी व्यक्त केला..Kashmir Apples Supply: नैसर्गिक आपत्तीमुळे सफरचंद वाहतूक खोळंबली .हरभरा दरात नरमाईदेशातील बाजारात मागील काही दिवसांपासून हरभऱ्याच्या दरात नरमाई आली आहे. नाफेड खरेदी केलेला हरभरा विकत आहे. तसेच आयात हरभऱ्याचा स्टाॅकही चांगला आहे. त्यामुळे दरावर दबाव आल्याचे अभ्यासकांचे मत आहे. पुढे सणासुदीच्या काळात हरभऱ्याला चांगली मागणी राहील. त्यामुळे दराला आधार आहे. सध्या हरभरा प्रतिक्विंटल सरासरी ५ हजार ३०० ते ५ हजार ७०० रुपयांच्या दरम्यान विकला जात आहे. हरभऱ्याला मागणी येत असली तरी देशात पुरवठा चांगला आहे. त्यामुळे हरभरा दरात फार सुधारणा होण्याची शक्यता कमी आहे. मात्र दरात सध्यातरी मोठी घसरण दिसत नाही, असाही अंदाज अभ्यासकांनी व्यक्त केला..Dragon Fruit Rate: ड्रॅगन फ्रूट प्रति किलोला ७० ते १२५ रुपये दर.सूर्यफुलाच्या भावात मंदीबाजारात सध्या सूर्यफुलाची आवक कमीच आहे. तरीही दर दबावातच आहेत. मागील देशात सूर्यफुलाचे उत्पादन कमी राहीले. पेराही कमीच होता. मात्र सूर्यफुल तेलाची वाढती आयात आणि देशात पेंडेला कमी उठाव यामुळे दरात नरमाई दिसून आली. सूर्यफुलाचे भाव सध्या बाजारात प्रतिक्विंटल सरासरी ४ हजार ७०० ते ५ हजार ५०० रुपयांच्या दरम्यान आहेत. तर सूर्यफुला केंद्राने २०२४-२५ च्या हंगामात ७ हजार २८० रुपये हमीभाव जाहीर केला होता. म्हणजेच हमीभावापेक्षा दर खूपच कमी आहेत. सूर्यफुलाच्या दरावर आणखी काही आठवडे दबाव राहू शकतो, असा अंदाज अभ्यासकांनी व्यक्त केला..ज्वारीचे दर स्थिरअलीकडच्या काही वर्षांपासून गावरान ज्वारीची मागणी वाढत आहे. मात्र मागणी वाढूनही ज्वारीच्या दरात सुधारणा होत नसल्याची बाजारातील स्थिती आहे. सध्या राज्यात ज्वारी गुणवत्तेनुसार २ हजार ५०० ते ३ हजार ५०० रुपयांच्या दरम्यान विकली जात आहे. ज्वारी. गेल्या काही दिवसांचा विचार करता ज्वारीला मागणी असूनही फारसा दर मिळत नाही. बाजारातही ज्वारीचा दर्जा चांगला असल्याचे सांगत व्यापाऱ्यांकडूनही हमी दरापेक्षा कमी दराने ज्वारीची खरेदी केली जात आहे. ज्वारीचे दर काही आठवडे कायम राहू शकतात, असा अंदाज ज्वारी बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
