Market Bulletin: हरभरा दर दबावातचकेंद्र सरकारने पिवाळा वाटाणा आयातीवरील शुल्क ३० टक्क्यांपर्यंत वाढवले. यामुळे आयात वाटाणा महाग झाला तरी ३६ रुपये प्रतिकिलोने मिळत आहे. त्यामुळे या निर्णयाचा हरभरा दराला याचा आधार मिळाला नाही. आयात झालेल्या वाटाणा आणि हरभऱ्याचा साठा देशात आहे. हरभरा आयातीवरही केवळ १० टक्के शुल्क आहे. त्यामुळे आयात नियमित सुरु आहे. सध्या हरभऱ्याला ५१०० ते ५३०० रुपयांच्या दरम्यान भाव मिळत आहे. हरभऱ्याची बाजारातील आवक मर्यादीतच राहण्याची शक्यता आहे. मात्र दरावरील दबावही कायम राहण्याची शक्यता आहे, असा अंदाज अभ्यासकांनी व्यक्त केला..शेवगा दर तेजीतचशेवग्याचा भाव बाजारात तेजीतच आहे. कमी आवक आणि चांगला उठाव यामुळे दर तेजीत आहेत. शेवग्याचे भाव तेजीत असले तरी बाजारातील आवक पिकाचे नुकसान जास्त असल्याने आवक वाढलेली नाही. आजही शेवगा सरासरी ६ हजार ते ७ हजाराने विकला जात आहे. शेवग्याची बाजारातील आवक पुढील काही आठवडे मर्यादीतच राहण्याची शक्यता आहे. मागील १० दिवसांमध्येही राज्यातील काही भागात पाऊस झाला. या पावसाने पिकाचे नुकसान वाढले आहे. त्यामुळे पुढील काही आठवडे शेवग्याचे दर तेजीतच राहतील, असा अंदाज आहे..Orange Rate: देशांतर्गत बाजारात नागपुरी संत्रा खातोय भाव.केळीची आवक टिकूनबाजारात सध्या केळीला चांगला उठाव आहे. दिवाळी सणाची मागणी असतानाही दरात मात्र सुधारणा दिसून आली नव्हती. केळीच्या कोरकोळ विक्री दरात वाढ झाली होती. शेतकऱ्यांना मात्र याचा लाभ मिळाला नाही, असे शेतकऱ्यांनी सांगितले. सध्या बाजारात केळी दर्जा आणि वाणानुसार प्रतिक्विंटल सरासरी १२०० ते १५०० रुपयांच्या दरम्यान विकली जात आहे. काही बाजारात तर अगदी ५०० रुपयांपासून दर मिळत आहेत. त्यामुळे केळी उत्पादक अडचणीत आले आहेत. केळीचे दर पुढील काही आठवडे स्थिर दिसू शकतात, असा अंदाज केळी बाजारातील जाणकारांनी व्यक्त केला..Grape Season: अर्ली हंगामाच्या इतिहासात मुहूर्ताला यंदा उच्चांकी दर.बाजरी दबवातचखरिपातील बाजरीची बाजारात आवक सुरु आहे. बाजरी पिकालाही पावसाचा राज्यात फटक बसला. मात्र इतर राज्यांमधील आवक सध्या वाढलेली आहे. याचा दबाव दरावर येत आहे. बाजरीला सध्या उठाव मर्यादीत आहे. मात्र पुढील काळात उठाव वाढण्याची शक्यता आहे. तरीही सध्या बाजारीचे भाव २२०० ते २८०० रुपयांच्या दरम्यान आहेत. चांगल्या गुणवत्तेची बाजरी बाजारात ३ हजारांपर्यंतही दर मिळत आहे. पुढील काही आठवड्यांमध्ये बाजारातील बाजरीची आवक चांगली राहण्याची शक्यता आहे. त्यामुळे दरावर दबाव राहू शकतो, असा अंदाज अभ्यासकांनी व्यक्त केला..लिंबाचे दर स्थिरराज्यातील बाजारात लिंबाचे भाव स्थिर आहेत. बाजारातील आवक कमीच आहे. मात्र दुसरीकडे बाजारात लिंबाला उठाव मर्यादीत आहे. याचा दबाव दरावर येत आहे. सध्या बाजारात लिंबू प्रतिक्विंटल २५०० ते ३ हजार रुपयांच्या दरम्यान विकला जात आहे. पावसाचाही लिंबाला दणका बसला. त्यामुळे उत्पादनात मोठी घट आली आहे. सध्याही काही भागात पाऊस पडत असल्याने लिंबाच्या काढणीवर परिणाम होत असल्याचे शेतकरी सांगत आहेत. लिंबाची बाजारातील आवक पुढील काही आठवड्यात कमीच राहण्याची शक्यता आहे. दरात मात्र काहीसे चढ उतार दिसू शकतात, असा अंदाज जाणकारांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
