Market Bulletin: कापूस दबावातकेंद्र सरकारने कापूस आयातीवरील ११ टक्के शुल्क काढले आहे. त्यामुळे देशात कापसाची आयात वाढणार आहे. सरकारच्या या निर्णयामुळे कापसाचे भाव कमी होणार आहेत. सध्या बाजारातील आवक नगण्य असल्याने त्याचा फारसा परिणाम दिसत नाही. मात्र सरकारच्या निर्णयामुळे कापूस खंडीचे भाव किंमान ४ ते ५ हजाराने कमी होतील, असे अभ्यासकांचे मत आहे. सरकारच्या या निर्णयामुळे नव्या हंगामात कापूस दरावर दबाव राहील. कापसाचा शिल्लक साठाही अधिक असेल, असे उद्योगांचे मत आहे. .कांद्याची आवक स्थिरबाजारात मागील आठवडाभरापासून बाजारातील कांद्याची आवक स्थिर आहे. बाजारातील आवकेवर काही भागात पावसाचाही परिणाम दिसत आहे. तर बाजरातील कांदा आवक कमी असल्याने काही बाजारांमध्ये काहीशी सुधारणा दिसून आली. आज कांदा १२०० ते १४०० रुपयांच्या दरम्यान विकला गेला. बाजारातील कांद्याची आवक पुढील काळातही कायम राहण्याची शक्यता आहे, असे व्यापारी सांगत आहेत. त्यामुळे कांद्याच्या भावात पुढील काळातही काहीसे चढ उतार दिसू शकतात, असा अंदाज कांदा बाजारातली अभ्यासकांनी व्यक्त केला. .Agrowon Podcast: सोयाबीन दरात चढउतार; हळद-उडीद स्थिर, आले वाढले तर पपईचे दर टिकून.हरभऱ्याला उठाव कायमदेशात सणासुदीच्या तोंडावर बेसण आणि हरभरा डाळीला मागणी वाढत आहे. पुढील काळात ही मागणी आणखी वाढेल, असे व्यापारी सांगत आहेत. त्यामुळे हरभऱ्याच्या दराला चांगला आधार आहे. बाजार समित्यांमध्ये सध्या हरभऱ्याला ५ हजार ६०० ते ५ हजार ८०० रुपये दर मिळत आहे. ग्राहक बाजारांमध्ये हरभरा बाजारभाव ६ हजारांच्या पुढे गेले आहेत. बाजारातील हरभरा आवकही कमीच आहे. मात्र आयात मालाचा काहीसा दबाव आहे. हरभरा दराला मागणीचा आधार कायम राहील, असा अंदाज हरभरा बाजारातील अभ्यासकांनी व्यक्त केला. .Onion Procurement Scam : ‘एनसीसीएफ’मध्ये कांदा खरेदीत कमिशनखोरी आता मनमानी.मोहरीला मागणीखाद्यतेलाचे दर वाढल्यानंतर मोहरीच्या दराला चांगलाच आधार मिळाला. मोहरीला सरकारने ५ हजार ९५० रुपये हमीभाव जाहीर केला होता. मात्र सध्याचे भाव हमीभावापेक्षा अधिक आहेत. मोहीरा तेलासाठी मागणी आहे. तसेच मोहरी पेंडचेही दर सुधारले आहेत. त्यामुळे मोहरीचा भावही ६ हजार ३०० ते ६ हजार ७०० रुपयांच्या दरम्यान पोचला आहे. यापुढे सणासुदीच्या काळातही मोहरीला चांगला उठाव राहणार आहे. त्यामुळे मोहरीचे दरही टिकून राहू शकतात, असा अंदाज मोहरी बाजारातील अभ्यासकांनी व्यक्त केला. .जिऱ्याचे भाव टिकून देशातील बाजारता जिऱ्याचे भाव टिकून आहेत. चालू हंगामात जिऱ्याचे उत्पादन वाढले होते. मात्र गेल्या हंगामातील शिल्लक साठा कमी होता. त्यामुळे देशातील एकूण पुरवठा कमीच राहीला. जिऱ्याच्या भावात मागील वर्षाच्या तुलनेत घट झाली तरी दरपातळी जास्त नरमली नाही. सध्या जिरा गुणवत्तेप्रमाणे २५ हजार ते २७ हजार रुपये प्रतिक्विंटलने विकला जात आहे. जिऱ्याला आता सणासुदीच्या काळात चांगलीच मागणी वाढण्याचा अंदाज आहे. त्यामुळे जिऱ्याच्या दरातही सुधारणा होऊ शकते, असा अंदाज जिरा व्यापारी व्यक्त करत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
