कापूस दबावातचदेशातील बाजारात कापसाचे भाव दबावातच आहेत. देशातील बाजारात सध्या पावसामुळे गुणवत्ता कमी झालेल्या कापसाची आवक जास्त आहे. सीसीआय या दर्जाचा कापूस घेत नाही. त्यामुळे हा कापूस शेतकऱ्यांना खुल्या बाजारात विकावा लागत आहे. कापसाला सध्या बाजारात प्रतिक्विंटल सरासरी ६ हजार ७०० ते ७ हजार १०० रुपयांच्या दरम्यान भाव मिळत आहे. तर हमीभाव ८ हजार ११० रुपये आहे. सीसीआयच्या खरेदी दरापेक्षा म्हणजेच हमीभावापेक्षा हा भाव १ हजार ते १४०० रुपयाने कमी आहे. त्यामुळे शेतकऱ्यांनी शक्य असल्यास सीसीआयलाच कापूस विकावा, असे आवाहन कापूस बाजारातील अभ्यासकांनी केले आहे. .शेवग्याला चांगला उठावशेवग्याचा भाव बाजारात तेजीतच आहे. कमी आवक आणि चांगला उठाव यामुळे दर तेजीत आहेत. शेवग्याचे भाव तेजीत असले तरी बाजारातील आवक पिकाचे नुकसान जास्त असल्याने आवक वाढलेली नाही. आजही शेवगा सरासरी ७ हजार ते ९ हजाराने विकला जात आहे. शेवग्याची बाजारातील आवक पुढील काही आठवडे मर्यादीतच राहण्याची शक्यता आहे. त्यामुळे पुढील काही आठवडे शेवग्याचे दर तेजीतच राहतील, असा अंदाज आहे..Fish Market: वादळ निवळल्यानंतर मासळीची आवक वाढली.हरभरा दर स्थिरदेशातील बाजारात हरभऱ्याचे भाव सध्या दबावातच आहेत. हरभरा अगदी ५ हजार ते ५ हजार ३०० रुपयाने विकला जात आहे. दुसरीकडे बाजारातील आवकही कमीच आहे. पण आयातीमुळे दरावर दबाव आहे. सरकारने हरभरा आयातीवर १० टक्के शुल्क लावले तर वाटाणा आयातीवर ३० टक्के शुल्क आहे. पण आंतरराष्ट्रीय बाजारात भाव कमी झाल्याने आयात शुल्क लावूनही आयात सुरुच आहे. आयातीमुळे देशात हरभऱ्याचा साठा तयार झाला. यामुळे बाजारातील आवक कमी असूनही दरावर दबाव आहे. हरभरा बाजारातील ही स्थिती आणखी काही दिवस पाहायला मिळू शकते, असा अंदाज अभ्यासकांनी व्यक्त केला..Cotton Price: नंदोरी येथे मुहूर्ताच्या कापसाला ७७६० रुपयांचा दर.मका आवक स्थिरराज्यातील बाजारात मक्याची आवक चांगली सुरु आहे. पण मक्यामधील ओलावा कमी झाल्याने किमान दरात काहीशी सुधारणा दिसत आहे. किमान दर बहुतांशी बाजारात १७०० रुपयांच्या दरम्यान आहे. पण ओलावा असेलला मका आजही १४०० रुपयांपासून विकला जात आहे. गुणवत्तेच्या मक्याला २ हजारांपर्यंत भाव आहे. पुढील काळात मक्यातील ओलावा आणखी कमी होईल. तसेच बाजारातील पॅनिक सेलिंगही कमी होण्याची शक्यता आहे. त्यामुळे मक्याच्या किमान दरात सुधारणा होण्याची शक्यता आहे. मात्र सरासरी दरात फार सुधारणा होण्याची शक्यता पुढील काही आठवडे दिसत नसल्याचे अभ्यासकांचे म्हणणे आहे..कारली दरात चढ उतारकारल्याच्या भावात मागील आठवडाभरापासून चढ उतार सुरु आहेत. बाजारातील कारल्याची आवक अजूनही मोठ्या प्रमामात वाढलेली नाही. मात्र तरीही अनेक बाजारांमध्ये दरात नरमाई दिसून आलेली आहे. अनेक भागात पाऊस उघडल्यानंतर कारल्याची काढणी व्यवस्थित होत आहे. त्यामुळे आवक सुधारण्याची शक्यता आहे. याचा परिणाम दरावर होत असल्याचे व्यापारी सांगत आहेत. सध्या कारले प्रतिक्विंटल सरासरी २ हजार ५०० ते २ हजार ८०० रुपयांच्या दरम्यान विकले जात आहे. पुढील काळात बाजारातील कारल्याची आवक कहीशी वाढण्याची शक्यता आहे. त्यामुळे दरात चढ उतार कायम राहू शकतात, असा अंदाज व्यापारी आणि जाणकार शेतकरी व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
