Market Bulletin: ड्रॅगन फळाच्या दरात सुधारणाराज्यातील ड्रॅगन फ्रूटचा हंगाम अंतिम टप्प्याकडे पोहोचला आहे. दुसऱ्या आणि तिसऱ्या बहरातील ड्रॅगन फ्रूटला सरासरी ८० रुपये दर मिळाला होता. चौथा आणि पाचवा बहर संपला असून या बहरात सरासरी चाळीस रुपये प्रति किलो दर होता. पावसाचा परिणाम ड्रॅगन फ्रूटच्या मागणीवर झाला असल्याने दर दबावात होते. सद्यःस्थितीला बाजारात आवक कमी असल्याने दरात काहीशी सुधारणा झाली आहे. सहावा बहर पंधरा ते वीस दिवसांत सुरू होईल. येत्या काळात ड्रॅगन फ्रूटचे दर टिकून राहतील, असा अंदाज जाणकार व्यक्त करत आहेत. .सोयाबीन दर कमीचराज्यात सोयाबीन काढणीला वेग आला आहे. त्यामुळे बाजारात आवाकही काही प्रमाणात सुरु झाली आहे. परंतु बाजारातील भाव अद्यापही दबावातच आहे. राज्यातील खुल्या बाजारात सोयाबीनला सरासरी प्रतिक्विंटल ४ हजार १०० ते ४ हजार २०० रुपयांचा दर मिळत आहे. पुढील दोन आठवड्यांमध्ये आवक वाढणार आहे. त्यामुळे सोयाबीन दरावर आवकेचा दबावही राहील. तसेच सध्या पावसामुळे बाजारात येणाऱ्या मालाची गुणवत्ता कमी झाली असून ओलावा अधिक असल्याने दर कमी असल्याचे जाणकारांनी सांगितले आहे..Soybean Market: अहिल्यानगरला सोयाबीनला साडेतीन ते चार हजारांचा दर.कापूस भाव दबावातचपावसाच्या उघडिपीनंतर राज्यात काही भागात कापूस वेचणीसाठी सुरवात झाली आहे. परंतु मजुरीचा खर्च अधिक असल्याने भाव परवडत नसल्याचे शेतकरी सांगतात. अतिवृष्टीने कापूस उत्पाकांना मोठा फटका बसला आहे. राज्यातील प्रमुख कापूस बाजारात आवक कमीच आहे. तसेच कापसामध्ये ओलावा जास्त आहे. परंतु पुढील दोन ते तीन आठवड्यानंतर आवक वाढण्याची चिन्हं आहेत. कापसाचे खुल्या बाजारातील भाव सरासरी प्रति क्विंटल ६ हजार ते ६ हजार रुपयांच्या दरम्यान आहेत. कापूस दरात पुढील काळात मोठी सुधारणा होण्याची शक्यता कमीच आहे. त्यामुळे शेतकऱ्यांनी हमीभावाने कापूस विक्रीसाठी प्राधान्य द्यावे, असे अभ्यासकांनी सांगितले..Dragon Fruit: ड्रॅगन फ्रूटच्या दरात सुधारणा.झेंडू दराला आधारराज्यात दसऱ्यानंतर दिवाळी सणामुळे झेंडू फुलांची मागणी कायम आहे. त्यामुळे झेंडूच्या दराला आधार मिळाला आहे. मागील वर्षी झेंडूला चांगला भाव मिळाला होता. परंतु यंदा मात्र पावसामुळे काहीसा फटका बसला आहे. त्यामुळे झेंडू फुलांची गुणवत्तेवर परिणाम झाला आहे. राज्यातील प्रमुख बाजारात झेंडूची आवक कमीच आहे. दिवाळीच्या निमित्ताने दराला काहीसा आधार मिळण्याची शक्यता आहे. सध्या प्रमुख बाजारात झेंडूला प्रतिक्विंटल २ हजार ते ३ हजार रुपये दर मिळत आहे. या दरात उत्पादन खर्चही वसूल होत नसल्याचे शेतकरी सांगत आहे. तर पुढील काळात दराला मागणीचा आधार मिळेल, असा व्यापाऱ्यांचा अंदाज आहे..कारली दर टिकूनराज्यातील बाजारात कारली दर टिकून आहेत. बाजारात आवक कमी आहे. परंतु कारल्याला उठाव असल्याने दर टिकून आहेत. राज्यातील प्रमुख बाजारात कारल्याची १०० क्विंटलपेक्षा आवक कमी आहे. त्यामुळे कारल्याला बाजारात सरासरी २ हजार ४०० ते ३ हजार ५०० रुपयांच्या दरम्यान दर मिळत आहे. पावसामुळे कारला पिकाचे मोठ्या प्रमाणात नुकसान झाले आहे. त्यामुळे आवक कमीच राहण्याची चिन्हं आहेत. त्यामुळे दर टिकून राहतील अशी शक्यता अभ्यासकांनी व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.