Market Bulletin: कोबीचे दर सुधारलेमागील काही आठवड्यापासून कोबीच्या दरात सुधारणा दिसत आहे. राज्यात पावसाच्या फटक्याने कोबी पिकाची गुणवत्ता घटली आहे. तसेच उत्पादनाला झटका बसला आहे. त्यामुळे बाजारात आवक कमीच आहे. मात्र उठाव कायम आहे. जून-जुलै महिन्यापासून कोबीचे दर दबावात होते. त्यामुळे कोबी उत्पादक अडचणीत सापडले. परंतु सध्या प्रमुख बाजारात कोबीला सरासरी १ हजार ९०० ते २ हजार १०० रुपये दर मिळत आहे. मागील दोन महिन्यात पावसाच्या फटक्यासोबत कीडरोगांचा फटका कोबी पिकाला बसला. त्यामुळे उत्पादनावर परिणाम झाला आहे. पुढील काही आठवडे कोबीची आवक स्थिर राहील. परंतु दरात चढ उतार पाहायला मिळतील, असे शेतकरी आणि व्यापाऱ्यांनी सांगितले..मेथी तेजीतदिवाळीच्या पार्श्वभूमीवर मेथी बाजारात तेजी आहे. काहीशी आवक वाढली आहे. मात्र मागणी वाढल्याने दरही चांगला मिळत आहे. मेथी पिकाचे पावसामुळे विविध भागात मोठ्या प्रमाणात नुकसान झाले आहे. काही भागात मेथी पूर्णत: हातून गेले आहे. तर काही भागात मेथी पिक आडवे झाल्याने काढणीला अडचणी येत होत्या. त्यामुळे बाजारातील आवक मर्यादित होती. परंतु सध्या आवक काहीशी वाढली आहे. मात्र उठाव असल्याने सध्या बाजारात मेथी भाजीला प्रतिक्विंटल सरासरी ९ हजार ५०० ते १ हजार ५०० हजार रुपये दर मिळत आहे. तर शेकडा २ हजार ५०० ते ३ हजार रुपये दर मिळत आहे. पुढील काही आठवडे मेथीचा दरातील तेजी कायम राहील, असा अंदाज जाणकार व्यक्त करत आहेत..Soybean Price: हमीभावापेक्षा ११२८ ते १७२८ रुपये कमी दराने सोयाबीनची खरेदी.लसणाची आवक कमीमागील दोन ते तीन आठवड्यापासून लसणाची आवक कमी आहे. त्यामुळे लसूण दरात तेजी असल्याचे पाहायला मिळत आहे. सप्टेंबर महिन्यात विविध भागात पावसामुळे लसूण पिकाला मोठा फटका बसला आहे. त्यामुळे शेतकऱ्यांचं मोठ्या प्रमाणात नुकसान झालं आहे. दुसरीकडे दिवाळीच्या पार्श्वभूमीवर लसणाला चांगली आहे. सध्या लसणाला सरासरी ८ हजार ते ९ हजार रुपये प्रतिक्विंटलच्या दरम्यान दर मिळत आहे. पुढील काळातही लसूण आवक कमीच राहण्याची शक्यता आहे. परंतु मागणी मात्र कायम राहील. त्यामुळे दरातील तेजी काही आठवडे कायम राहण्याचा अंदाज जाणकारांनी दिला आहे..Agrowon Podcast: तूर दर मंदीतच, सोयाबीन दरावर दबाव, गवार तेजीत, कांदा दर कमीच तर आल्याचे दर टिकून तर .वांगी दर टिकूनराज्यातील बाजारात वांगीची आवक स्थिर आहे. पावसामुळे बहुतांश भागात वांगी पिकाचे नुकसान झाले आहे. त्यामुळे आवक कमी झाली आहे. परंतु मागणी टिकून आहे. त्यामुळे दराला आधार मिळत आहे. हळूहळू वांगी आवकेत वाढ होण्याची शक्यता आहे. दिवाळीनंतर वांग्याची मागणी आणि आवकेत वाढेल, असे चित्र आहे. राज्यातील प्रमुख बाजारात वांग्याला सरासरी २ हजार ७०० ते ३ हजार ६०० रुपये प्रतिक्विंटलचा दर मिळत आहे. पुढील काळात वांगी आवक वाढल्यास दरात काहीसे चढ उतार राहू शकतात, असा अंदाज अभ्यासक व्यक्त करत आहेत..सोयाबीन दर दबावातपावसाने उघडीप दिल्याने सोयाबीन काढणीला वेग आला आहे. त्यामुळे बाजारात आवाकही काही प्रमाणात सुरु झाली आहे. परंतु बाजारातील भाव हमीभावापेक्षा १ हजार २०० ते १ हजार ४०० रुपयांपेक्षा कमी दर मिळत आहे. त्यामुळे सोयाबीन उत्पादक अडचणीत आले आहेत. राज्यातील बाजारात सोयाबीनला सरासरी प्रतिक्विंटल ३ हजार ८०० ते ४ हजार रुपयांचा दर मिळत आहे. पुढील आठवड्यांमध्ये आवक वाढण्याची शक्यता आहे. त्यामुळे सोयाबीन दरावर आवकेचा दबावही राहील. तसेच सध्या पावसामुळे बाजारात येणाऱ्या मालाची गुणवत्ता कमी आहे. तसेच ओलावा अधिक असल्याने दर कमी असल्याचे जाणकारांनी सांगितले आहे. त्यामुळे भावांतर योजना राबवून भाव फरक शेतकऱ्यांना द्यावा, अशी मागणी शेतकरी करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
