Market Bulletin: केळीचे दर टिकूनश्रावण महिन्यामुळे केळीच्या दाराला चांगला आधार आहे. उपवास आणि विधिंमुळे केळीला चांगली मागणी आहे. तर बाजारातील केळीची पुरवठा मर्यादीत आहे. त्यामुळे केळीचे भावही टिकून आहेत. सध्या राज्यातील केळीला उत्तरेतही चांगली मागणी आहे. मात्र बाजारात गुणवत्तापूर्ण केळीची टंचाई कायम आहे. यामुळे केळीला सध्या सरासरी १५०० ते २ हजार रुपयांच्या दरम्यान गुणवत्तेप्रमाणे दर मिळत आहे. केळीला श्रावण महिना आणि त्यानंतर गणपती उत्सवातही चांगली मागणी राहणार आहे. त्यामुळे केळीच्या दराला चांगला आधार राहील, असा अंदाज केळी बाजारातील अभ्यासकांनी व्यक्त केला. .कापूस दर नरमलेकापसाच्या भावात देशात नरमाई आली आहे. केंद्र सरकारने कापूस आयातीवरील ११ टक्के शुल्क काढल्यानंतर दबाव वाढला. देशातील बाजारभाव आंतरराष्ट्री बाजारापेक्षा १० ते १२ टक्क्यांनी जास्त होते. त्यामुळे आयात वाढत आहे. याचा परिणाम बाजारावर झाला. सीसीआयने आपल्या कापूस विक्रीचे भाव दोन दिवसांत खंडीमागे ११०० रुपयाने कमी केले. सध्या बाजारात शेतकऱ्यांचा कापूस विक्रीसाठी येत नाही. मात्र नव्या हंगामात कापूस विक्रीसाठी आल्यानंतर हा दबाव कायम राहू शकतो, असा अंदाज कापूस बाजारातील अभ्यासकांनी व्यक्त केला..Agrowon Podcast: हरभऱ्याचे दर कायम, कापूस दबावात, कांद्याची आवक स्थिर, मोहरीला मागणी तर जिऱ्याचे भाव टिकून .गव्हाला उठावगव्हाला सध्या बाजारात चांगला उठाव आहे. बाजारात नव्या मालाची आवक थांबली आहे. यापुढे सणांच्या काळात गव्हाला आणखी मागणी वाढेल, असे व्यापाऱ्यांनी सांगितले. गव्हाचे भाव मागील २ महिन्यांपासून एकाच पातळीदरम्यान दिसत आहेत. गहू बाजारात २ हजार ५०० ते ३ हजारांच्या दरम्यान वाण आणि गुणवत्तेप्रमाणे विकला जात आहे. गव्हाला पुढील काळात चांगला उठाव राहील. तर सरकारकडेही गव्हाचा मोठा साठा आहे. त्यामुळे गव्हाच्या दरातील सुधारणा मर्यादीत राहू शकते, असा अंदाज गहू बाजारातील अभ्यासकांनी व्यक्त केला..India Cotton Import: कापूस आयातीवरील शुल्क हटवले.गवारचे दर तेजीतचराज्यातील बाजारात मागील काही महिन्यांपासून गवारला चांगला दर मिळत आहे. गवारची बाजारातील आवकच कमी आहे. त्यातच गवारला चांगली मागणी आहे. त्यामुळे दराला मजबूत आधार असल्याचे व्यापारी सांगत आहेत. गवार पिकाला नुकत्याच झालेल्या पावसाचाही चांगलाच दणका बसला. त्यामुळे गवारचे भाव ४ हजार ते ४ हजार ५०० रुपये प्रतिक्विंटलच्या दरम्यान आहेत. बाजारातील गवारची आवक कमीच राहण्याची शक्यता आहे. त्यामुळे गवारचे भावही टिकून राहतील, असा अंदाज गावरचे व्यापारी व्यक्त करत आहेत..मका कणसाचे भाव टिकूनमका कणासाला बाजारात सध्या चांगला उठाव आहे. मात्र बाजारातील आवक सध्या मर्यादीत दिसत आहे. याचाा आधार कणसाच्या भावाला मिळत आहे. पावसामुळे मका कणासाला दर टिकून असल्याचे व्यापारी सांगत आहेत. बाजारात सध्या मका कणसाला १५०० ते २ हजारांच्या दरम्यान भाव मिळत आहे. मुंबई बाजारात मका कणासाची आवक अधिक दिसत असूनही सरासरी दर सर्वाधिक २५०० रुपये मिळत आहे. तसेच पुणे बाजारातही आवक चांगली दिसत आहे. मक्याच्या भावाला मागणीचा आधार आहे. त्यामुळे मका कणासाचे भाव आणखी काही दिवस टिकून राहू शकतात, असा अंदाज व्यापारी व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
