Agrowon Podcast: केळीच्या दरात सुधारणा; मिरचीची आवक घटली, उडदाचे भाव स्थिर, डाळिंब तेजीत, गवार दर स्थिर

Market Bulletin:

मिरचीची आवक कमीच

पाऊस सुरु झाल्यापासून राज्यातील बाजारात हिरव्या मिरचीची आवक दिवसागणिक कमी होत आहे. परंतु दिसरीकडे मिरचीला चांगला उठाव आह. त्यामुळे हिरव्या मिरचीच्या भावात तेजी आली आहे. सध्या राज्यातील बाजारात हिरव्या मिरचीला प्रतिक्विंटल सरासरी ५ हजार ते ७ हजार रुपये भाव मिळत आहे. हिरव्या मिरचीची आवक आणखी काही आठवडे कमीच राहणार आहे. तर हिरव्या मिरचीला उठाव चांगला आहे. त्यामुळे हिरव्या मिरचीचे दर तेजीतच राहतील, असा अंदाज व्यापारी व्यक्त करत आहेत.

उडदाचे भाव स्थिर

वाढती आयात आणि देशातील बाजारातील आवक यामुळे उडदाचे भाव दबावात आहेत. सध्या उडदाला हमीभावापेक्षा कमी एक हजार ते दीड हजार रुपये कमी भाव मिळत आहे. यामुळे शेतकरी अडचणीत येत आहेत. बाजारात सध्या उडीद ६ हजार ते ६ हजार ५०० रुपयाने विकला जात आहे. बाजारातील उडदाची आवक पुढील दोन महीने कमीच राहण्याची शक्यता आहे. मात्र आयातही सुरु आहे. आयातीमुळे दर दबावात आहेत. बाजारातील ही परिस्थिती पुढील काळातही कायम राहू शकते. उडदाच्या भावात पुढील काळात काहीसे चढ उतार दिसू शकतात, असा अंदाज उडीद बाजारातील अभ्यासकांनी व्यक्त केला.

केळीचे दर तेजीत

केळीला बाजारात सध्या चांगला दर मिळत आहे. बाजारातील केळीला चांगला उठाव आहे. मात्र बाजारातील आवक कमी आहे. त्यामुळे केळीचे दर तेजीत आहेत. किरकोळ बाजारात केळी ३० रुपये ते ७० रुपये प्रतिडझन मिळत आहे. तर घाऊक बाजारात सध्या केळीला १८०० ते २२०० रुपयांच्या दरम्यान भाव मिळत आहेत. पुढील काळात केळीची आवक काही दिवस कमीच राहण्याची शक्यता आहे. त्यामुळे केळीचे दरही टिकून राहू शकतात, असा अंदाज केळी बाजारातील जाणकार व्यापारी व्यक्त करत आहेत.

डाळिंबातील तेजी कायम

वांगी बाजारातील आवक कमीच आहे. मागील महिनाभरात झालेल्या पावसाचाही डाळिंब पिकाला फटका बसला. त्यामुळे डाळिंबाचे दर तेजीत आहेत. डाळिंबाला उठाव चांगला असला तरी पुरवठा कमी आहे. त्यातही गुणवत्तापूर्ण मालाची टंचाई आहे. त्यामुळे डाळिंबाचे भाव तेजीत आहेत. डाळिंबाला आज सरासरी ७ हजार ते ९ हजार रुपये प्रतिक्विंटलच्या दरम्यान भाव मिळाला. डाळिंबाची बाजारातील आवक पुढील काळातही मर्यादीतच राहू शकते. त्यामुळे दरही तेजीत राहतील, असा अंदाज डाळिंब बाजारातील अभ्यासकांनी व्यक्त केला.

गवारचे दर टिकून

गवारच्या भावात मागील २ आठवड्यांमध्ये काहीसे चढ उतार पाहायला मिळाले. गवारची सरासरी दरपातळी काहीशी कमी झाली होती. मात्र सध्या दर टिकून आहेत. पावसामुळे बाजारातील गवारची आवक कमीच आहे. तर गवारला उठाव चांगला मिळत आहे. त्यामुळे गवारचे भाव वाढले. सध्या राज्यातील बाजारांमध्ये गवारला सरासरी ५ हजार ते ७ हजार रुपयांच्या दरम्यान भाव आहेत. पुणे मार्केटला गवार ७ हजार ५०० रुपयाने विकली गेली. तर मुंबई बाजारात सरासरी ८ हजारांचा भाव आहे. गवारची बाजारातील आवक आणखी काही आठवडे कायम राहण्याची शक्यता आहे. त्यामुळे गवारचे भावही टिकून राहतील, असा अंदाज व्यापारी व्यक्त करत आहेत.