Market Bulletin: सोयाबीनध्ये घटदेशातील बाजारात सोयाबीनच्या भावात घट दिसून आली. अमेरिका आणि भारत यांच्यातील व्यापार कराराची माहिती पुढे आल्यानंतर दरात घट झाली आहे. प्रक्रिया प्लांट्सचे खरेदीचे भाव ५ हजार ८०० ते ६ हजार रुपयांवरून ५ हजार ३०० ते ५ हजार ४०० रुपयांपर्यंत कमी झाले आहेत. तर बाजार समित्यांमधील भावपातळीही ५०० रुपयांपर्यंत कमी होऊन ४ हजार ९०० ते ५ हजार १०० रुपयांच्या दरम्यान आले आहेत. देशातील बाजारात सोयाबीनची विक्रीही वाढली आहे. त्यामुळे हा दबाव काही दिवस दिसू शकतो, असा अंदाज सोयाबीन बाजारातील अभ्यासकांनी व्यक्त केला आहे. .कापूस दबावातकापसाच्या भावावर दबाव आहे. सीसीआयने कापूस विक्रीचे भाव कमी केले आहेत. तसेच अतिरिक्त लांब धाग्याच्या कापूस आयात शुल्क सरकारने काढले आहे. अमेरिका आणि बांगलादेश यांच्यातील व्यापार कराराचाही दबाव बाजारावर आला आहे. त्यामुळे कापसाचा भाव पुन्हा हमीभावाच्या खाली आला आहे. कापूस सध्या बाजारात ७ हजार ६०० ते ७ हजार ९०० रुपयांच्या दरम्यान विकला जात आहे. कापसाच्या भावावरील दबाव आणखी काही दिवस कायम राहू शकतो, असा अंदाज कापूस बाजारातील अभ्यासकांनी व्यक्त केला आहे. .Agrowon Podcast: ज्वारीचे दर टिकून; सोयाबीन दर गडगडले, कापूस नरमले, कारले दरात चढ-उतार तर काकडी दरात सुधारणा.तूर स्थिरावलीदेशातील बाजारात तुरीचे भाव स्थिरावले आहेत. बाजारातली तुरीची आवकही वाढली आहे. मात्र यंदा उत्पादन कमी असल्याने दराला आधार आहे. देशातील बहुतांशी बाजारांमध्ये तुरीला हमीभावापेक्षा अधिक भाव मिळत आहे. हमीभावाने तूर खरेदीही सुरु आहे. परंतु हमीभाव खरेदीला कमी प्रतिसाद मिळत आहे. सध्या बाजारात तूर ७ हजार ७०० ते ८ हजार २०० रुपयांच्या दरम्यान विकली जात आहे. तुरीची बाजारातील आवक आणखी काही दिवस कायम राहण्याची शक्यता आहे. त्यामुळे तुरीचे दर हमीभावाच्या आसपास राहू शकतात, असा अंदाज तूर बाजारातील अभ्यासकांनी व्यक्त केला. .India-US Trade Deal : द्विपक्षीय व्यापार कराराबाबत 'व्हाईट हाऊस'चं पत्रक; करारातले मुद्दे केले स्पष्ट.जिऱ्याला चांगला उठावदेशातील बाजारात सध्या जिऱ्याला चांगला उठाव आहे. तर बाजारातील आवक मर्यादीत आहे. त्यामुळे जिऱ्याचे भाव टिकून आहेत. सध्या जिरा बाजारात सरासरी प्रतिक्विंटल २१ हजार ते २५ हजार रुपये प्रतिक्विंटलने विकला जात आहे. जिऱ्याची उपलब्धता सध्या देशात मर्यादीत असल्याचे जाणकारांनी सांगितले. तर दुसरीकडे जिऱ्याला लग्नसराई आणि समारंभांमुळे चांगली मागणी आहे. याचा आधार जिऱ्याच्या भावाला आहे. त्यामुळे जिऱ्याचे भाव पुढील काही आठवडे टिकून राहण्याची शक्यता आहे, असा अंदाज जिरा बाजारातील अभ्यासकांनी व्यक्त केला आहे. .मोहरी आवक मर्यादीतदेशातील बाजारात मोहरीला चांगली मागणी आहे. मात्र दुसरीकडे मोहरीची आवक मर्यादीत आहे. मोहरी तेल आणि पेंडेला उठाव मिळत आहे. सोयातेल, पामतेल आणि सूर्यफुल तेलाच्या भावाचा मोहरी तेलालाही आधार मिळत आहे. सध्या मोहरी हमीभावापेक्षा अधिक दरात विकली जात आहे. मोहरीचा हमीभाव ६ हजार २०० रुपये आहे. तर बाजारात मोहरी प्रतिक्विंटल सरासरी ६ हजार ३०० ते ६ हजार ८०० रुपयांच्या दरम्यान विकली जात आहे. मोहरीचा भाव आणखी काही दिवस टिकून राहू शकतो, असा अंदाज मोहरी बाजारातील अभ्यासकांनी व्यक्त केला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
