Sindhudurg News: गणेशोत्सवानंतर मासळीच्या दरात चांगली सुधारणा झाली आहे. जिल्ह्यात पापलेट प्रति किलो १४०० रुपये तर सुरमई प्रति किलो १२०० रुपये प्रति किलो दराने विक्री केली जात आहे..मासेमारीला ३० मे ते ३१ जुलैपर्यंत बंदी असते. १ ऑगस्टपासून मासेमारी हंगाम सुरू झाल्यानंतर पहिल्या दोन ते तीन दिवसांतच समुद्रात वादळी स्थिती निर्माण झाली. त्यामुळे मासेमारी थांबवावी लागली. परंतु त्यानंतर मासेमारी हंगामाला पुन्हा सुरुवात झाली आहे..Fishing Season : नव्या हंगामात दर्यातून मासळीचे घबाड.श्रावण महिन्यात मासळीचे दर काहीसे कमी झाले होते. मासळीचे प्रमाण कमी होते तरीदेखील अपेक्षित मागणी बाजारपेठेत नव्हती. मात्र गणेशोत्सव संपताच मासळीच्या मागणीत मोठी वाढ झाली आहे. त्यामुळे मासळीच्या दरात चांगली सुधारणा झाली आहे..पापलेटला चांगला दर मिळत असून प्रति किलो १००० ते १४०० पर्यंत दर मिळत आहे. तर सुरमईला देखील प्रति किलो १२०० रुपयांपर्यंत दर मिळत आहे. सौंदळा ३५० रुपये, मांदेली २०० रुपये, मोरी मासा ५०० रुपये, कोळंबी मोठी ७०० तर लहान प्रति किलो ३०० रुपयांपर्यंत दर आहेत. पापलेट आणि सुरमईच्या दरात प्रति किलो दोनशे ते तीनशे रुपयांची सुधारणा झाली आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
