Hingoli News : हिंगोली कृषी उत्पन्न बाजार समितीअंतर्गत धान्य बाजारांमध्ये (भुसार माल मार्केट) यंदाच्या खरीप हंगामातील नवीन सोयाबीनची आवक सुरू झाली आहे. गुरुवारी (ता. ५) सोयाबीनची ६३० क्विंटल आवक होती.
सोयाबीनला प्रतिक्विंटल किमान ४३५० ते कमाल ४६०० रुपये तर सरासरी ४४७५ रुपये दर मिळाले, अशी माहिती बाजार समितीच्या सूत्रांनी दिली.
हिंगोली जिल्ह्यात यंदाच्या खरीप हंगामात लवकर पेरणी केलेल्या सोयाबीनची सुगी सुरू आहे. स्थानिक परिसरातील शेतकरी सोयाबीन विक्रीसाठी बाजारात घेऊन येत आहेत.
हिंगोली येथील धान्य बाजारात शनिवारपासून (ता. ३०) नवीन सोयाबीनची आवक सुरू झाली आहे. बुधवारी (ता. ४) सोयाबीनची ३५५ क्विंटल आवक असताना प्रतिक्विटंल किमान ४३०० ते कमाल ४६३५ रुपये तर सरासरी ४४६७ रुपये दर मिळाले.
मंगळवारी (ता. ३) सोयाबीनची ८०० क्विंटल आवक होऊन प्रतिक्विंटल किमान ४४०५ ते कमाल ४६४० रुपये तर सरासरी ४५२२ रुपये दर मिळाले. शनिवारी (ता. ३०) सोयाबीनची ३६० क्विंटल आवक होऊन प्रतिक्विंटल किमान ४५०५ ते कमाल ४७९१ रुपये तर सरासरी ४६४८ रुपये दर मिळाले.
आर्द्रतेचे प्रमाण जास्त असल्याचे कारण सांगत व्यापारी नवीन सोयाबीनची कमी दराने खरेदी करत आहेत, असे शेतकऱ्यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.