Ahilyanagar Market Update: अहिल्यानगर येथील दादा पाटील शेळके कृषी बाजार समितीत सध्या आल्याला प्रति क्विंटल ४ हजार ते १३ हजार तर लसणाला ९ हजार ते १२ हजार रुपये प्रति क्विंटल दर मिळत आहे. या वर्षी पाऊस वेळेवर आला नसल्याने लावडीवरही परिणाम झाला असून दरात पुढील काही दिवस तेजी राहण्याचा अंदाज आहे. सातत्याने मागणी असताना आवक कमी झाल्यामुळे आले, लसूण दर मागील तीन महिन्यांपासून स्थिर आहे..अहिल्यानगर जिल्ह्यातील नेवासा, शेवगाव, अकोले, कोपरगाव, पारनेर भागांत तसेच छत्रपती संभाजीनगर, सातारा, बीड, सोलापूर, पुणे, अहिल्यानगर जिल्ह्यांत आल्याचे उत्पादन घेतले जाते. तसेच मराठवाडा, अहिल्यानगर, सोलापूर, पुणे जिल्ह्यांच्या अनेक भागांतून आले आणि लसूण आवक होत असते..Ginger Price: आल्याचे दर महिनाभरात दुप्पट; प्रति गाडी भाव पोहोचले ४६ हजारांवर.अहिल्यानगरला आल्याची दररोज ७ ते १२ क्विंटलपर्यंत आवक होऊन ४ हजार ते १३ हजार रुपये प्रति क्विंटल व सरासरी ८५०० रुपयांचा दर मिळत आहे. लसणाची सध्या दररोज ७ ते १५ क्विंटलपर्यंत आवक होऊन ९ ते १२ हजार व सरासरी १० हजार ५०० रुपये दर मिळत आहे..आल्याची साधारण १५ मे ते १५ जून या काळात लागवड होते. गेल्या वर्षी आल्याचे दर पडलेले होते. त्यामुळे अनेक शेतकऱ्यांनी बियाण्यांसाठी खोडवा ठेवला नाही. त्यातच यंदा उन्हाची तीव्रता अधिक असल्याने कंदसड, ५० टक्के बियाण्याचे नुकसान झाले. मे महिन्यात सुरुवातीला आले बियाण्याला साधारण मागणी होती. बियाण्याला ५० रुपये प्रति किलो दर होता. मात्र आता बियाण्याचा तुटवडा निर्माण झाला आहे..Garlic Prices: लसणाच्या दरात पुन्हा सुधारणा.आल्याचे दर पुढील सहा महिने तरी टिकून राहणार असल्याचा आले उत्पादकांचा अंदाज आहे. सध्या शेतकऱ्यांना ठोक दरात आल्याला चांगला दर मिळत असल्याचे रांजणी (ता. शेवगाव) येथील आले उत्पादक शेतकरी अभिजित घुले, भावी निमगाव येथील शंकर जाधव यांनी सांगितले..लसणाची मागणी अधिकलसणाची गेल्या काही महिन्यांपासून बाजारात मागणी कायम आहे. अहिल्यानगर, नाशिक, मराठवाडा, सोलापूर, पुणे, सातारा, सांगली भागांत उत्पादन घेतले जाते. अहिल्यानगर बाजार समितीत जिल्ह्यासह मराठवाड्यातून आवक होत असते. लसणाची सप्टेंबर ते डिसेंबर या काळात लागवड होत असते. गेल्या काही महिन्यांपासून लसणाला मागणी चांगली असून, आवक पुरेसी नसल्याने दर चांगला आहे. हा दर पुढील काही महिने टिकून राहण्याचा अंदाज लसूण उत्पादक शेतकऱ्यांनी व्यक्त केला आहे. सध्या ९ ते १२ हजार व सरासरी १० हजार ५०० रुपयांचा सरासरी दर मिळत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
