Nanded News : नांदेड कृषी उत्पन्न बाजार समितीअंतर्गत नवा मोंढा बाजारात सध्या हळदीच्या दरात सुधारणा झाली आहे. बुधवारी (ता. २८) बाजारात साडेचार हजार क्विंटल आवक झाली.
यास किमान ६००० ते कमाल ९१००, तर सरासरी ७१०० रुपये प्रतिक्विंटल दर मिळाल्याची माहिती बाजार समितीच्या सूत्रांनी दिली.
नांदेडसह शेजारील हिंगोली जिल्ह्यात हळदीचे क्षेत्र मागील काही वर्षांपासून वाढले आहे. यामुळे नांदेड बाजार समितीच्या नवा मोंढा बाजारात शेतीमालात सर्वाधिक हळदीची आवक होते. या ठिकाणी हळद खरेदीसाठी परराज्यांतील खरेदीदार येतात.
यामुळे नांदेडसह वसमत बाजारात हळदीला बाजारभाव बरा मिळतो. दोन महिन्यांपूर्वी हळदीच्या दरात घसरण झाली होती. या काळात सरासरी दर पाच हजारांपर्यंत खाली आला होता. परंतु सध्या मागणी वाढल्याने दरात सुधारणा झाली आहे.
पंधरा दिवसांपासून आवकही वाढली आहे. बुधवारी (ता. २८) नवा मोंढा बाजारात साडेचार हजार क्विंटल आवक झाली. यास किमान ६००० ते कमाल ९१०० तर सरासरी दर ७१०० रुपये प्रतिक्विंटल मिळाल्याची माहिती बाजार समितीच्या सूत्रांनी दिली.
दर सुधारल्याने आवकही वाढल्याची माहिती मिळाली. तसेच सोयाबीनला सरासरी दर ४८७०, भुईमूग ७१००, हरभरा ४६५०, ज्वारी २५००, गहू २२०० रुपये प्रमाणे दर मिळाला.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.