Cotton Market : सेलू बाजार समितीत कापूस प्रतिक्विंटल ६००० ते ७२८० रुपये

Parbhani News : परभणी जिल्ह्यातील सेलू व मानवत या कापसाच्या प्रमुख बाजार पेठांमधील कापसाची आवक वाढली आहे. जाहीर लिलाव पद्धतीच्या कापूस खरेदीच्या दरात किंचित चढउतार होत आहेत. परंतु अजून दरात नरमाईच आहे. दरवाढीच्या अपेक्षेने जिल्ह्यातील अनेक गावांतील शेतकऱ्यांचा अजूनही कापूस घरातच आहे.

सोमवारी (ता. १९) सेलू कृषी उत्पन्न बाजार समितीमध्ये कापसाला प्रतिक्विंटल किमान ६००० ते कमाल ७२८० रुपये तर सरासरी ७१८० रुपये दर मिळाले.

मागील सोमवारी (ता. १२) सेलू बाजार समितीत कापसाची ३१४८ क्विंटल आवक असताना प्रतिक्विंटल किमान ६४५० ते कमाल ७१८५ रुपये तर सरासरी ७१३० रुपये दर मिळाले होते.

सेलू बाजार समितीत शुक्रवारी (ता. १६) कापसाची ३६७० क्विंटल आवक होऊन प्रतिक्विंटल किमान ६२०० ते कमाल ७१७० रुपये तर सरासरी ७१३० रुपये दर मिळाले. गुरुवारी (ता. १५) कापसाची ३९७५ क्विंटल आवक होऊन प्रतिक्विंटल किमान ५८०० ते कमाल ७०९० रुपये तर सरासरी ७०४० रुपये दर मिळाले.

मानवत कृषी उत्पन्न बाजार समितीमध्ये शनिवारी (ता. १६) कापसाची ४१०० क्विंटल आवक होऊन प्रतिक्विंटल किमान ६००० ते कमाल ७१७५ रुपये तर सरासरी ७०५० रुपये दर मिळाले. शुक्रवारी (ता. १६) कापसाची ५३५० क्विंटल आवक होऊन प्रतिक्विंटल किमान ५८०० ते कमाल ७०९० रुपये तर सरासरी ७००० रुपये दर मिळाले.

गुरुवारी (ता. १५) कापसाची ५०५० क्विंटल आवक होऊन प्रतिक्विंटल किमान ५८०० ते कमाल ७१४० रुपये तर सरासरी ७००० रुपये दर मिळाले. खरिपाच्या पेरणीसाठी निविष्ठांची तजवीज करण्यासाठी अनेक शेतकऱ्यांकडे पैसे नाहीत. दरात सुधारणा होत नाही. आणखीन घसरण होऊन नुकसान सोसण्यापेक्षा अनेक शेतकरी मिळेल त्या दरात कापूस विकून मोकळे होत आहेत.