हलक्या, मुरमाड, डोंगरी भागात कमी खर्चामध्ये येणारे पीक म्हणून शेतामध्ये किंवा बांधावर करवंद लागवड करावी. फळामध्ये लोह, प्रथिने, खनिजे, शर्करा, चरबी, कॅल्शिअम व जीवनसत्त्वाचे प्रमाण जास्त आहे. करवंद हे एक अत्यंत काटक व दुर्लक्षित झुडूपवर्गीय फळपीक आहे. शेताभोवती सजीव कुंपण करून मुख्य पिकाव्यतिरिक्त अधिक उत्पन्न मिळण्याबरोबर जंगली किंवा मोकाट प्राण्यांपासून शेताचे संरक्षण होते. उष्णकटिबंधीय आणि उपोष्णकटिबंधीय हवामानात योग्य वाढ होते. मुसळधार पाऊस आणि पाणी साचलेली जमीन फळपिकास उपयुक्त नाही. लागवड वालुकामय चिकण माती, जांभा, वाळू व काळी माती असलेल्या जमिनीमध्ये केली जाते. खडकाळ, मुरमाड, पडीक, कातळ आणि हलक्या जमिनीत सुद्धा चांगले वाढते. चांगल्या वाढीसाठी सखोल, सुपीक, पाण्याचा निचरा होणारी जमीन असावी. सामू ५ ते ८ असावा. फळाच्या आणि गराच्या रंगावरून जाती ठरविल्या जातात. कोकण बोल्ड ही जात डॉ. बाळासाहेब सावंत कोकण कृषी विद्यापीठाने प्रसारित केली आहे. महाराष्ट्रामध्ये सर्वत्र लागवडीसाठी याची शिफारस आहे. फळे उत्कृष्ट दर्जाची, १४-१५ ग्रॅम वजनाची, गोलाकार आकार, जास्त काळ टिकणारी, घोसाने येणारी, जास्त गराचे प्रमाण असलेली व गडद काळ्या रंगाची असतात. केंद्रीय शुष्क प्रदेशीय संशोधन संस्थेने मरू गौरव ही नवीन व जास्त उत्पादनक्षम जात विकसित केली आहे. अभिवृद्धी
लागवड
खत व्यवस्थापन
छाटणी
पाणी नियोजन
तोडणी आणि उत्पादन
औषधी गुणधर्म
जातीनिहाय वैशिष्ट्ये पंत सुवर्णा : गर ८८.२५%, टीएसएस ३.८३ %, उत्पादन २२ किलो प्रति झाड पंत मनोहर : गर ८८.२८ %, टीएसएस ३.९२ %, उत्पादन २७ किलो प्रति झाड पंत सुदर्शन : गर ८८.४८ %, टीएसएस ३.४५, उत्पादन २९ किलो प्रति झाड कोकण बोल्ड : मोठी फळे (१२-१५ ग्रॅम), घोसाने लागतात, फळाची प्रत उत्कृष्ट, गराचे प्रमाण, ९२ %, गोडी जास्त आणि कमी आम्लता सीएचईएस-के-२ : गर ८८.४८ %, टीएसएस ६.१० %, उत्पादन १० किलो प्रति झाड सीझेडके-२०११: गर ८८.४८ %, टीएसएस९.४ %, जीवनसत्त्व क ३५.८८ मिलिग्रॅम/१०० ग्रॅम सीझेडके-२०२२ : टीएसएस ८.५ %, जीवनसत्त्व क ३७.८० मिलिग्रॅम/१०० ग्रॅम सीझेडके-२०३१ : टीएसएस ८.७ %, जीवनसत्त्व क ३७.४० मिलिग्रॅम/१०० ग्रॅम सीआयएसएच केआर-११ : टीएसएस ६.१० %, मरू गौरव : चांगले उत्पादन देणारी जात, गर ८८.५० %, टीएसएस ९.४० ब्रीक्स, उत्पादन ४० किलो प्रति झाड - संग्राम चव्हाण, ९८८९०३८८८७ (राष्ट्रीय अजैविक ताण व्यवस्थापन संस्था, बारामती, जि. पुणे)
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.