अतिरिक्त लांब धाग्याच्या कापूस आयातीसाठी हालचाली

पुणे - अतिरिक्त लांब धाग्याचा कापूस (long yarn  cotton) आयातीला (import) परवानगी मिळू शकते, असे वस्त्रोद्याग मंत्रालयाचे सचिव उपेंद्र सिंह यांनी सांगितले. मात्र या कापसाचे देशात खूपच कमी उत्पादन होते, तर महाराष्ट्रात हा कापूस पिकत नाही. त्यामुळे अतिरिक्त लांब धाग्याच्या कापूस आयातीचा शेतकऱ्यांच्या दरावर परिणाम होणार नाही, असे जाणकारांनी सांगितले. तसेच शेतकऱ्यांनी बाजाराचा आढावा घेऊन टप्प्याटप्प्याने विक्री सुरु ठेवावी असे आवाहनही केले. 

हेहि वाचा -  शेतमालाची निर्यात गाठणार ५० अब्ज डॉलर्सचा टप्पा !

कापूस आयातीवरील ११ टक्के आयातशुल्क कमी करावे , निर्यात (Export) बंद करावी तसेच वायद्यांवर बंदी आणावी, यासाठी कापड उद्योग(texttile industry) मागील काही महिन्यांपासून धडपड करत आहे. मात्र कापड उद्योगाच्या या मागणीला अर्थमंत्री, वस्त्रोद्यामंत्र्यांनीही भाव दिला नाही. त्यामुळे आता फक्त अतिरिक्त लांब धाग्याच्या कापूस आयातीसाठी प्रयत्न सुरु आहेत. वस्त्रोद्योग मंत्रालयही अतिरिक्त लांब धाग्याच्या कापूस आयातीला परवानगी देण्याचा विचार करू शकते, असे वस्त्रोद्योग सचिव उपेंद्र सिंह यांनी सांगितले. 

देशात कापसाचे उत्पादन(cotton production) यंदा ३४८ लाख गाठींवर राहण्याची शक्यता आहे. तर अतिरिक्त लांब धाग्याच्या कापसाचे उत्पादन ५ लाख गाठींच्या दरम्यान राहील. त्यामुळे हा कापूस गरजेप्रमाणे दरवर्षी आयात केला जातो. त्यामुळे या कापूस आयातीचा देशातील कापूस दरावर काही परिणाम होणार नाही, असे जाणकारांनी सांगितले. अतिरिक्त लांब धाग्याच्या कापूस आयातीने देशातील बाजार प्रभावित होणार नाही, असे प्रदीप जैन यांनी सांगितले.

हेहि वाचा -  cotton market: पांढरं सोनं उद्योगाच्या डोळ्यात का खुपतंय?​

अतिरिक्त लांब धाग्याच्या कापडाला श्रीमंत वर्गाकडून मोठी मागणी असते. तसेच या धाग्यापासून बनलेल्या कापडाला निर्यातीसाठीही मागणी असते. देशातील कापड उद्योगाला १५ लाख गाठी अतिरिक्त लांब धाग्याच्या कापसाची आवश्यकता आहे. तर यंदा केवळ ५ लाख गाठी उत्पादन झाल्याचं, गोविंद वैराळे यांनी सांगितले.

व्हिडीओ पाहा -  अतिरिक्त लांब धागाच्या कापसाची आयात झाली तरी शेतकऱ्यांच्या दरावर याचा परिणाम होणार नाही. त्यामुळे शेतकऱ्यांनी बाजाराचा आढावा घेऊन टप्प्याटप्प्याने कापूस विक्री करावी, असे आवाहन जाणकारांनी केले आहे. 

………… प्रतिक्रिया - 

वस्त्रोद्योग विभाग अतिरिक्त लांब धाग्याच्या कापूस आयातीसाठी अनुकूल आहे. आयातीसाठी आवश्यक असलेला एचएसएन कोड सर्व प्रकारच्या कापसासाठी एकच आहे. आम्ही वाणिज्य मंत्रालयाकडे केवळ अतिरिक्त लांब धाग्याच्या कापूस आयातीसाठी वेगळ्या एचएसएन कोडची मागणी केली आहे. पुढील काळात शेतकऱ्यांना मिळणाऱ्या कापूस दरावर परिणाम होणार नाही, याची काळजी घेऊन आम्ही निर्णय घेऊ. फक्त अतिरिक्त लांब धाग्याच्या कापूस आयातीला परवानगी मिळू शकते. - उपेंद्र सिंह, सचिव, वस्त्रोद्योग मंत्रालय. देशात अतिरिक्त लांब धाग्याच्या कापसाची दरवर्षी आयात होत असते. हा कापूस महाराष्ट्रात पीकत नाही, तसेच देशातील उत्पादनही कमी आहे. ब्रॅंडेड आणि महागड्या कापडासाठी हा कापूस वापरला जातो. आयातीला परनागी दिल्यास या उद्योगांना हा कापूस खंडीमागे १० हजार रुपयांनी स्वस्त मिळेल. मात्र शेतकऱ्यांना मिळणाऱ्या दरावर याचा परिणाम होणार नाही. - प्रदीप जैन, अध्यक्ष, खानदेश जिनिंग प्रसिंग असोसिएशन. अतिरिक्त लांब धाग्याची आयात नेहमी होत असते. आपल्याकडे याचे उत्पादन कमी आहे.  परंतु याचा शेतकऱ्यांना मिळणाऱ्या दरावर परिणाम होणार नाही. बाजारावर परिणाम झालाच तर तो दोन ते तीन दिवसचांच असेल. मात्र दीर्घकाळासाठी काहीच परिणाम होणारन नाही. - गाविंद वैराळे, जेष्ठ कापूस तज्ज्ञ