Poultry Shed Cooling Methods: सध्या राज्यात तापमान ४० अंशांच्या पुढे जात असल्यामुळे कुक्कुटपालन व्यवसायामध्ये मोठे आव्हान निर्माण झाले आहे. कोंबड्यांसाठी २२ ते २८ अंश सेल्सिअस तापमान योग्य मानले जाते. मात्र तापमान ३३ ते ३४ अंशांच्या पुढे गेल्यास कोंबड्या धापा टाकू लागतात आणि उष्माघातामुळे मरतुक होण्याचा धोका वाढतो. त्यामुळे उन्हाळ्यात शेडचे योग्य व्यवस्थापन करणे अत्यंत गरजेचे आहे..कोंबड्यांवर उष्णतेचा परिणाम कमी करण्यासाठी शेडमध्ये सतत हवा खेळती राहणे आवश्यक आहे. यासाठी बाजूचे पडदे उघडे ठेवावेत आणि शेडमध्ये पंखे किंवा फॉगर्स बसवावेत. फॉगर्सचा वापर विशेषतः दुपारच्या वेळी करणे फायदेशीर ठरते. शेडच्या छतावर बाहेरून पांढरा रंग किंवा चुना लावल्यास उष्णता कमी होते. तसेच पत्र्यावर पेंढा, उसाचे पाचट किंवा काड टाकून ते ओले ठेवले, तर शेड थंड राहण्यास मदत होते..Summer Livestock Care: वाढत्या तापमानात जनावरांचा गोठा कसा असावा?.शेडच्या जाळीवर बारदान लावून ते ओले केल्यास आतल्या तापमानावर नियंत्रण ठेवता येते. जमिनीवर १ ते १.५ इंच जाडीचा तुसाचा थर ठेवावा. यामुळे उष्णता कमी राहते आणि कोंबड्यांना आराम मिळतो. शेडचे बांधकाम उंच जागेवर आणि पूर्व-पश्चिम दिशेत असावे. छताच्या कडा ३ ते ४ फूट बाहेर असल्यास सूर्यप्रकाश आणि पावसापासून संरक्षण मिळते..IoT Technology: उन्हाळ्यात गोठा थंड ठेवण्यासाठी आधुनिक तंत्रज्ञान: आयओटी सेन्सर्स .उन्हाळ्यात शेडमध्ये अमोनियाचे प्रमाण वाढू नये यासाठी स्वच्छता राखणे आवश्यक आहे. कोंबड्यांच्या विष्ठेमुळे अमोनिया तयार होतो, त्यामुळे वेळोवेळी तूस बदलणे आणि शेड स्वच्छ ठेवणे गरजेचे आहे. तसेच शेडमधील कोंबड्यांची संख्या सुमारे १० टक्क्यांनी कमी ठेवल्यास उकाडा कमी होतो, असा सल्ला अकोले येथील पशुसंवर्धन सहायक आयुक्त डॉ. अतुल पाटणे यांनी दिला आहे..लसीकरण सकाळी लवकर किंवा रात्री करावे आणि दुपारच्या वेळी कोंबड्यांना हाताळणे टाळावे. योग्य व्यवस्थापन केल्यास कोंबड्यांचे आरोग्य चांगले राहते आणि उन्हाळ्यातील मरतुक मोठ्या प्रमाणात टाळता येते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
