Pune News : तीन वर्षांपूर्वी राज्यात पशुधनामध्ये लम्पी स्कीन या त्वचा आजाराच्या साथीने थैमान घातले होते. या साथीत सुमारे ४१ हजार पशुधन मृत झाले होते. या मृत पशुधनाच्या नुकसान भरपाईचा शासन निर्णय देखील काढण्यात आला होता. यानुसार २०२२-२३ या वर्षात सुमारे ९३ कोटी रुपयांची नुकसान भरपाई देण्यात आली होती. मात्र आता ही भरपाई देण्याचे बंद करण्यात आल्याचे पशुसंवर्धन विभागातील सूत्रांनी सांगितले..लम्पी स्कीन आजाराची २०२२-२३ मधील तीव्र लाटेत सुमारे ४ लाख ७० हजार ९१३ तर २३-२४ मध्ये ३२ हजार ७० आणि २०२४-२५ मध्ये ३३ बाधित आणि ४१ हजार पशुधन मृत झाले होते. यांची नुकसानीपोटी सुमारे १०० कोटींची भरपाई देण्यात आली होती. मात्र आता या वर्षी साथ आटोक्यात असून २०२४-२५ मध्ये ३३ पशुधन बाधित झाले असून, एकाचा मृत्यू झाल्याचा पशुसंवर्धन विभागाचा अहवाल आहे..Lumpy Skin Disease: लंम्पी त्वचा आजार बाधित गोवंशाचे व्यवस्थापन.मात्र सूत्रांनी दिलेल्या माहितीनुसार लम्पी स्कीनमुळे मृत पशुधनाची नुकसान भरपाई देण्याचे बंद करण्यात आले आहे. याबाबतच्या कोणत्याही सूचना शासनस्तरावरून आलेल्या नसल्याने, भरपाईचा प्रस्ताव मागविण्यात येत नाही..Lumpy Skin : ‘लम्पी’चा संसर्ग वाढला; सहा जनावरे दगावली.तर पहिल्या लाटेमध्ये युद्ध पातळीवर लसीकरण केल्याने, पशुधनाची प्रतिकार क्षमता वाढल्याने २३-२४ मध्ये बाधित आणि मृत होण्याचे प्रमाण घटले आहे. तर या वर्षी २०२४-२५ मध्ये केवळ ३३ बाधित आणि एकच पशुधनाचा मृत्यू झाला आहे. त्यामुळे नुकसान भरपाई बंद करण्यात आली आहे..लाट आटोक्यात, पशुधन निरोगीकोरोना लाटेच्या धर्तीवर लम्पी स्कीन आजार निदानासाठी पशुसंवर्धन विभागाने मार्गदर्शक सूचना आणि कार्यप्रणाली विकसित केल्याने, आता लागण होण्याचे आणि मृत होण्याचे प्रमाण घटल्याचा दावा पशुसंवर्धन विभागाने केला आहे..एखाद्या गावात थोड्या जरी गाठी पशुधनावर दिसल्या तर तातडीने त्या पशुधनाचे विलगीकरण आणि तातडीने औषधोपचार आणि परिसरातील सर्व पशुधनाचे लसीकरण करण्यात येत असल्याने, ‘लम्पी’ची लाट आता आटोक्यात आल्याचे पशुसंवर्धनकडून सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
