Pune News: विदर्भात उन्हाचा चटका चांगलाच वाढला. सलग दुसऱ्या दिवशी विदर्भात देशातील सर्वाधिक तापमानाची नोंद झाली. आज सकाळपर्यंतच्या गेल्या २४ तासांमध्ये विदर्भातील ब्रम्हपुरी येथे देशातील सर्वाधिक ३८.६ अंश सेल्सिअस तापमानाची नोंद झाली होती. राज्यातील तापमानात चढ उतार कायम राहतील, असा अंदाज हवामान विभागाने दिला. 

उत्तर भारतील राज्यांमध्ये आणि महाराष्ट्रातही किमान तापमानात चांगली वाढ झाली आहे. तर कमाल तापमानात काहीसे चढ उतार दिसून येत आहेत. उत्तर भारतात आजही काही प्रमाणात सकाळी थंडी जाणवत आहे.

हरिनायातील कर्नूल येथे देशातील सर्वात कमी ८ अंश सेल्सिअस तापमानाची नोंद झाली. तर विदर्भातील ब्रम्हपुरी येथे देशातील सर्वाधिक ३८.६ अंश सेल्सिअस तापमानाची नोंद झाली होती. 

विदर्भात उन्हाचा चटका वाढला तरी राज्यातील इतर भागात तापमानातील चढ उतार सुरुच आहेत. निफाडे येथील गहू संशोधन केंद्रात आज राज्यातील सर्वात कमी १२.२ अंश सेल्सिअस तापमानाची नोंद झाली होती.

तर रत्नागिरी आणि सिंधुदूर्ग जिल्ह्यात आजपासून तीन दिवस उष्ण आणि दमट हवामानाचा इशारा देण्यात आला आहे. तर राज्यातील तापमाना चढ उतार कायम राहतील, असा अंदाजही हवामान विभागाने दिला.