Pune News : ऐन हिवाळ्यात सध्या तापमान जास्त जाणवत आहे. दुपारी उन्हाचा चटका आणि ढगाळ वातावरणामुळे उकाडा जाणवत आहे. राज्यात काही ठिकाणी पावसाने हजेरीही लावली. उत्तर भारतात थंडाचा कडका जाणवत आहे. आज हरियानातील हिस्सार येथे देशातील सर्वात कमी ४.५ अंश सेल्सिअस तापमानाची नोंद झाली.

उत्तर भारतात थंडी कायम आहे. महाराष्ट्रात मात्र पावसाला पोषक हवामान झाल्याने उत्तरेकडील थंड वाऱ्यांना अडथळा झाला आहे. त्यामुळे किमान आणि कमाल तापमानात वाढ झाली.

उन्हाचा चटका वाढल्याने राज्यातील बहुतांशी भागात तापमान ३० अंशाच्या पुढे आहे. यातच उन्हाचा चटका वाढल्याने बहुतांश ठिकाणी तापमान ३२ अंशांच्या पार गेले आहे. तर देशातील सर्वात कमी तापमान आज हरियानातील हिस्सार येथे होते. हिस्सारे येथे ४.५ अंश सेल्सिअस तापमानाची नोंद झाली. 

मागील काही दिवसांपासून राज्याच्या अनेक भागात ढगाळ वातावरण आहे. आज आणि उद्या राज्यात पावसाचा अंदाज हवामान विभागाने दिलेला नाही. मात्र ढगाळ वातावणर आहे. त्यामुळे थंडी गायब झाल्याची स्थिती आहे. राज्यात आणखी दोन दिवस ढगाळ वातावरण राहण्याची शक्यता आहे. आज निफाड येथील गहू संशोधन केंद्रात १६.१ अंश सेल्सिअस तापमानाची नोंद झाली.