Pune News : विदर्भ आणि मराठवाड्यातील काही भागात पाऊस हजेरी लावत आहे. कोकण आणि मध्य महाराष्ट्रातील बहुतांशी भागात पावसाची उघडीप होती. पण उद्यापासून राज्यातील बहुतांशी ठिकाणी पावसाचा अंदाज हवामान विभागाने दिला.

राज्यातील काही भागात आजही जोरदार पाऊस झाला. विदर्भ, मराठवाडा आणि खानदेश तसेच मध्य महाराष्ट्रात काही ठिकाणी पावसाने हजेरी लावली. उद्या हवामान राज्यात पावसाचा जोर वाढणार आहे.

विदर्भातील सर्व जिल्हे, मराठवाड्यातील सर्व जिल्हे, मध्य महाराष्ट्रातील पुणे, सातारा, नाशिक, नगर, सोलापूर जिल्ह्यातही काही ठिकाणी जोरदार पावसाचा येलो अलर्ट हवामान विभागाने दिला.

रविवारी मध्य महाराष्ट्र आणि कोकणातही पावसाचा जोर वाढण्याचा अंदाजही हवामान विभागाने दिला. विदर्भातील चंद्रपूर आणि गडचिरोली जिल्ह्यात काही ठिकाणी जोरदार ते अति जोरदार पावसाचा अंदाजही हवामान विभागाने दिला.

तसेच विदर्भातील इतर जिल्हे, मराठवाड्यातील पूर्ण जिल्ह्यांमध्ये तसेच मध्य महाराष्ट्रातील सर्वच जिल्ह्यांना काही ठिकाणी जोरदार पावसाचा अंदाज हवामान विभागाने दिला. कोकणातील सिंधुदूर्ग, रत्नागिरी आणि रायगड जिल्ह्यातही काही ठिकाणी जोरदार पावसाचा अंदाज हवामान विभागाने दिला.

सोमवारी आणि मंगळवारीही विदर्भात पावसाचा जोर कायम राहण्याचा अंदाज आहे. तर मराठवाड्यातील बहुतांशी भागात हलक्या ते मध्यम पावसाचा अंदाजही हवामान विभागाने दिला. मध्य महाराष्ट्रातील कोल्हापूर, सातारा, पुणे, नाशिक, नगर आणि खानदेशातही काही भागात जोरदार पावसाचा अंदाज हवामान विभागाने दिला.