Cold Season : पुणे : राज्यात किमान तापमानाची नीचांकी नोंद झाल्यानंतर किमान तापमानात चढ-उतार होत आहेत. राज्यात गारठा कायम असून, आज (ता. ३१) राज्याच्या किमान तापमानात काहीशी घट होण्याची शक्यता हवामान विभागाने वर्तविली आहे. निफाड येथील गहू संशोधन केंद्रात राज्यातील नीचांकी ९.८ अंश सेल्सिअस तापमानाची नोंद झाली आहे.

उत्तर भारतात थंडीचा कडाका कमी झाला आहे. मंगळवारी (ता. ३०) बिहारमधील मोतीहारी येथे देशाच्या सपाट भूभागावरील नीचांकी ५ अंश सेल्सिअस तापमान नोंदले गेले. पंजाब, हरियाना, चंडीगड, उत्तर प्रदेश, बिहारमध्ये किमान तापमान ६ ते १० अंशांदरम्यान आहे. उत्तर भारतात धुके, थंडीची लाट, थंड दिवस ही स्थिती निवळली आहे.

राज्याच्या तापमानात वाढ झाली असली तरी उत्तर महाराष्ट्रात गारठा कायम आहे. मंगळवारी (ता. ३०) निफाड वगळता उर्वरित राज्यात किमान तापमानाचा पारा १० अंशांच्या वर सरकला आहे. किमान तापमानाचा पारा १० ते २० अंशांच्या दरम्यान आहे. आज (ता. ३१) किमान तापमानात घट होण्याचा अंदाज हवामान विभागाने वर्तविला आहे.

मंगळवारी (ता. ३०) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअसमध्ये) :
पुणे ३१.५ (१३.६), धुळे ३१ (१०.९), जळगाव ३१.८ (१०.५), कोल्हापूर ३०.७ (१७.९), महाबळेश्‍वर २६.२ (१४.७), मालेगाव ३१.४ (१४.२), नाशिक ३०.४ (१२.३), निफाड ३०.५ (९.८), सांगली ३१.७ (१६.८), सातारा ३१.२ (१५.५), सोलापूर ३३.२ (१७.४), सांताक्रूझ ३३ (१८.४), डहाणू २७.५

(१७.४), रत्नागिरी ३३ (१९.५), छत्रपती संभाजीनगर ३०.६ (१३.६), नांदेड ३०.६ (१७.२), परभणी ३१.४ (१५.५), अकोला ३२.४ (१५), अमरावती ३०.८ (१४.६), बुलडाणा ३०.४ (१५), ब्रह्मपुरी ३३.४ (१५.८), चंद्रपूर ३१.२ (१४.४), गडचिरोली ३०.४ (१४.४), गोंदिया २९.६ (१३.९), नागपूर ३०.४ (१५), वर्धा ३१.५(१५.९), वाशीम ३२ (१३.४), यवतमाळ ३२.२ (१३.५).