IMD Alert : राज्यात सध्या उन्हाचा चटका चांगलाच वाढत आहे. तर काही ठिकाणी हलक्या सरी पडत आहेत. देशात पुढील काही तासांमध्ये ईशान्य माॅन्सून सक्रिय होण्याची शक्यता आहे, असा अंदाज हवामान विभागाने दिला.

माॅन्सून काल म्हणजेच १९ ऑक्टोबर रोजी देशातून माघार घेतली. देशात ४ महिने ११ दिवस मुक्काम ठोकल्यानंतर शेवटी काल माघार घेतली. आता देशात ईशान्य माॅन्सून सक्रिय होण्यास अनुकूल स्थिती आहे. पुढील ४८ तासांमध्ये दक्षिण भारतात ईशान्य माॅन्सून सक्रिय होऊ शकतो, असाही अंदाज हवामान विभागाने दिला. यंदा ईशान्य माॅन्सूनचा जोरही कमीच राहण्याचा अंदाज आहे, असे हवामान विभागाने स्पष्ट केले.

राज्याच्या काही भागात आजही पावसाचा अंदाज आहे. सिंधुदूर्ग, रत्नागिरी, रायगड,  ठाणे, कोल्हापूर, सातारा, पुणे आणि नगर या जिल्ह्यांमध्ये काही ठिकाणी विजांसह हलक्या पावसाचा अंदाज दिला. तर राज्यात उन्हाचा चटका कायम राहण्याची शक्यता आहे.