Pune News : हवामान विभागाने आजपासूनच विदर्भ आणि मराठवाड्यात पावसाचा जोर वाढण्याचा अंदाज आहे. उद्या पूर्व विदर्भात पावसाचे प्रमाण जास्त असेल. तर मराठवाड्यातील अनेक भागातही पाऊस हजेरी लावेल, असा अंदाज हवामान विभागाने दिला. 

हवामान विभागाने आज विदर्भ आणि मराठवाड्यातील सर्वच जिल्ह्यांमध्ये काही ठिकाणी जोरदार पावसाचा येलो अलर्ट दिला. तर चंद्रपूर आणि गडचिरोली जिल्ह्यात जोरदार ते अतिजोरदार पावसाचा ऑरेंज अलर्ट हवामान विभागाने दिला. मध्य महाराष्ट्रातील सातारा, पुणे आणि नगर जिल्ह्यालाही येलो अलर्ट देण्यात आला. तर कोल्हापूर, सांगली, सोलापूर, नाशिक, धुळे आणि नंदूरबार जिल्ह्यातही काही भागात विजांसह पावसाचा अंदाज हवामान विभागाने दिला. 

उद्याही विदर्भात पावसाचा जोर अधिक राहण्याचा अंदाज आहे. यवतमाळ, चंद्रपूर आणि नागपूर जिल्ह्यात काही भागात जोरदार जे अतिजोरदार पावसाचा रेड अलर्ट दिला. अमरावती, वर्धा आणि गडचिरोली जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट दिला. तर विदर्भातील बुलडाणा, अकोला, वाशीम जिल्ह्यात काही ठिकाणी जोरदार पावसाचा येलो अलर्ट दिला. तर मराठवाड्यातील सर्वच जिल्ह्यांमध्ये काही ठिकाणी जोरदार पावसाचा येलो अलर्ट हवामान विभागाने दिला. मध्य महाराष्ट्रातील सर्वच जिल्ह्यांमध्येही काही ठिकाणी जोरदार पावसाचा हवामान विभागाने दिला. 

सोमवारी राज्यभरात पावसाचा अंदाज आहे. विदर्भ, मराठवाडा, मध्य महाराष्ट्रातील सर्वच जिल्ह्यांमध्ये काही ठिकाणी जोरदार पावसाचा अंदाज हवामान विभागाने दिला. विदर्भातील अकोला, अमरावती, वर्धा आणि गडचिरोली जिल्ह्यात काही ठिकाणी जोरदार पावसाचा अंदाज हवामान विभागाने दिला. 

मंगळवारी आणि बुधवारीही विदर्भात काही ठिकाणी जोरदार पावसाचा अंदाज आहे. तर मराठवाड्यातील काही जिल्ह्यांमध्ये पावसाचे प्रमाण कमी होणार आहे. कोकण आणि मध्य महाराष्ट्रातील घाटमाथ्यावर काही ठिकाणी जोरदार पावसाचा येलो अलर्ट हवामान विभागाने दिला.