Pune News: राज्यात उन्हाचा चटका आणि उकाडा तापदायक ठरत असतानाच, पावसाच्या हजेरीने काहीसा थंडावा मिळाला आहे. आज (ता. ९) मध्य महाराष्ट्र, मराठवाडा आणि पूर्व विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात आकाश ढगाळ राहून विजांसह हलक्या सरींचा अंदाज हवामान विभागाने वर्तविला आहे.

मॉन्सूनचा आस असलेला कमी दाबाचा पट्टा फिरोजपूरपासून, चंडीगड, देहरादून, खेरी, पाटणा, बंकुरा, दिघा ते ईशान्य बंगालच्या उपसागरापर्यंत सक्रिय आहे. बांगलादेश आणि पश्चिम बंगालच्या किनाऱ्यालगत समुद्र सपाटीपासून ३.१ ते ५.८ किलोमीटर उंचीवर चक्राकार वारे वाहत आहेत. उत्तर अंतर्गत कर्नाटक आणि परिसरावर समुद्र सपाटीपासून ५.८ किलोमीटर उंचीवर चक्राकार वारे वाहत आहेत. बंगालच्या उपसागरात बुधवारपर्यंत (ता. १३) हवेचे कमी दाबाचे क्षेत्र तयार होण्याचे संकेत हवामान विभागाने दिले आहेत.

राज्यात पावसाला पोषक हवामान होत असून, गुरुवारी (ता. ७) सकाळपर्यंतच्या २४ तासांमध्ये कोकण, मध्य महाराष्ट्र, मराठवाडा आणि विदर्भात पावसाने हजेरी लावली. मराठवाड्यात पावसाचा जोर अधिक होता. हिंगोलीतील तोंडापूर येथे सर्वाधिक ९० मिलिमीटर पावसाची नोंद झाली. शुक्रवारी (ता. ८) सकाळपासूनच विदर्भात पावसाचा जोर वाढला होता. राज्यात पावसाला सुरुवात झाली असली तरी उन्हाचा चटका, उकाडा कायम आहे. विदर्भातील अकोला येथे राज्यातील उच्चांकी ३५.८ अंश सेल्सिअस, तर मालेगाव येथे पारा ३५.६ अंश कमाल तापमान नोंदले गेले.

आज (ता. ९) रत्नागिरी, अहिल्यानगर, पुणे, सातारा, सांगली, सोलापूर, बीड, परभणी, हिंगोली, धाराशिव, लातूर, नांदेड, वर्धा, नागपूर, भंडारा, गोंदिया, चंद्रपूर, गडचिरोली या जिल्ह्यांत विजांसह पावसाच्या सरींची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात उन्हाचा चटका, उकाडा कायम राहून तुरळक ठिकाणी विजांसह हलक्या पावसाची शक्यता हवामान विभागाने वर्तविली आहे.

शुक्रवारी (ता. ८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३०.९---२२.६

अहिल्यानगर---३१.२---२३.३

‎‎धुळे---३३.५---२१.२

जळगाव---३४.८---२५.३

जेऊर---३०.०---२०.०

‎‎कोल्हापूर---२८.६---२२.७

‎महाबळेश्‍वर---२१.१---१७.१

मालेगाव---३५.६---निरंक

‎‎नाशिक---३१.०---२१.९

‎निफाड---३१.५---२१.०

‎सांगली---३०.९---२३.०

‎सातारा---२९.८---२२.५

‎सोलापूर---२८.९---२४.१

‎सांताक्रूझ---३०.५---२५.७

डहाणू---२९.२---२४.७

रत्नागिरी---२९.२---२४.७

‎छत्रपती संभाजीनगर---३२.६---२३.१

‎धाराशिव---२८.६---१९.९

‎परभणी---३२.३---२३.४

परभणी (कृषी)---३२.२---२२.९

‎‎अकोला---३५.८---२५.८

अमरावती---३३.६---२३.३

भंडारा---३३.०---२३.०

बुलडाणा---३२.७---२३.६

‎ब्रह्मपुरी---३२.४---२४.६

‎चंद्रपूर---३३.८---२४.६

‎गडचिरोली---३१.६---२३.६

‎गोंदिया---३३.५---२३.२

‎नागपूर---३४.३---२३.६

‎वर्धा---३४.५---२४.०

‎वाशीम---३२.०---२१.६

‎यवतमाळ---३४.४---२४.४

विजांसह पावसाचा इशारा (येलो अलर्ट) :

रत्नागिरी, अहिल्यानगर, पुणे, सातारा, सांगली, सोलापूर, बीड, परभणी, हिंगोली, धाराशिव, लातूर, नांदेड, वर्धा, नागपूर, भंडारा, गोंदिया, चंद्रपूर, गडचिरोली.

विजांसह पावसाचा अंदाज :

पालघर, ठाणे, मुंबई, रायगड, सिंधुदुर्ग, धुळे, नाशिक, जळगाव, छत्रपती संभाजीनगर.

३५ अंशांपेक्षा अधिक तापमान असलेली ठिकाणे :

अकोला ३५.८, मालेगाव ३५.६.