जमिनीखालील कठीण थर फोडणे हे शेतकऱ्यांसाठी तसे कठीण काम असते. पण शेतकऱ्यांना यासाठी मोल नांगर फायदेशीर ठरतो. याचा वापर प्रामुख्याने नांगरटीच्या अगोदर करावा लागतो. मोल नांगर आर्थात सब साॅयलर. सब सॉयलर हा जमिनीच्या पृष्ठभागाखालून २.५ ते ३ फूट चालतो. याचा तळी फोडणारा टोकदार फाळ एक फूट लांबीचा असतो. जमिनीत जाणारी मांडी ही २.५ फुटांची असते. पृष्ठभागाखाली तयार झालेला घट्ट थर फोडण्यासाठी सबसॉयलरचा वापर आवश्‍यक आहे. पण जमिनिच्या प्रकारानुसार याचा वापर महत्वाचा आहे. सबसॉयलरमुळे जमिनीतील जास्तीच्या पाण्याचा व क्षाराचा निचरा होतो. जमिनीची भौतिक, जैविक आणि रासायनिक सुपीकता वाढण्यास मदत होते. पिकाच्या मुळांची वाढ चांगली होऊन पीक लोळण्याचे प्रमाण कमी होते. सबसॉयलर चालविण्यासाठी डिसेंबर ते एप्रिल महिन्याचा कालावधी चांगला असतो.