soybean cotton weed solution: लव्हाळा तण

लव्हाळा हे बारमाही स्वरूपाचं तण मानलं जातं. या तणामुळे मका, ऊस, कापूस यांसारख्या उन्हाळी पिकांमध्ये उत्पादनात मोठी घट होऊ शकते. लव्हाळा वनस्पतीचा रंग जांभळा असतो आणि तिच्या मुळाखाली मातृ कंद असतो. याच कंदापासून जमिनीत खोलवर (सुमारे ६० सेंमी) एक साखळी तयार होते. या तणाचा प्रसार प्रामुख्याने कंदांच्या माध्यमातून होतो. बियापासून होणारा प्रसार अत्यंत मर्यादित (फक्त २ ते १० टक्के) असतो. एकाच मातृ कंदापासून एका महिन्याच्या कालावधीत चार नवीन कंद तयार होऊ शकतात. तीन महिन्यांत ही संख्या जवळपास १०० पर्यंत वाढू शकते.