monsoon sowing guide: हलक्या जमिनीमध्ये बाजरी, तीळ, कारळा, एरंडी यासारखी पिके घ्यावीत. कपाशी पिकामध्ये आंतरपीक म्हणून तूर, सोयाबीन, मूग किंवा उडीद यांचा समावेश करावा. पावसाचे आगमन जर ८ जुलै ते १५ जुलैदरम्यान झाले, तर मूग, उडीद व भुईमूग पिकांच्या ऐवजी कापूस, सोयाबीन, तूर, संकरित ज्वारी, संकरित बाजरी, तीळ आणि सूर्यफूल ही पिके घेणे योग्य ठरेल. पावसाचे आगमन १६ जुलै ते ३१ जुलैदरम्यान झाले, तर संकरित ज्वारी, भुईमूग व कपाशीऐवजी संकरित बाजरी, सूर्यफूल, तूर, एरंडी, कारळा, तीळ ही पिके घ्यावीत. यासोबतच आंतरपीक पद्धतीने सोयाबीन + तूर, बाजरी + तूर, एरंडी + धणे, एरंडी + तूर अशा जोड्या अवलंबाव्यात.