Temperature Rise: अहिल्यानगर जिल्ह्यात गेल्या चार दिवसांपासून तापमानात मोठी वाढ झाली आहे. अजून काही दिवस उष्णतेची लाट येण्याची शक्यता आहे. त्यामुळे शेतकरी, नागरिकांनी उन्हाच्या तीव्रतेचा विचार करुन काळजी घेण्याचे आवाहन जिल्हा प्रशासनाने केले आहे..जिल्हा प्रशासनाने दिलेल्या माहितीनुसार, अहिल्यानगर जिल्ह्यात गेल्या दोन-तीन दिवसांपासून तापमापकातील पारा झपाट्याने वर चढत आहे. आज तर त्याने चाळीशी गाठली. अंग भाजून काढणाऱ्या उन्हामुळे उष्माघाताचे प्रमाण वाढत आहे. आठ दिवसांपूर्वी जिल्ह्यात ढगाळ हवामान होते. या आठवड्यात दमट हवामान आहे. .Maharashtra Heat Wave: उष्णतेच्या लाटेसह पावसाचा अंदाज; राज्यातील बहुतांशी भागांमध्ये उष्णतेच्या लाटेचा इशारा.सध्या चैत्र महिना सुरू आहे. वैशाख महिन्यात तापमान वाढते. मात्र, यंदा चैत्रातच वैशाख वणवा पेटल्याचे चित्र आहे. अलीकडच्या काळात जिल्ह्यात तापमान वाढ होत आहे. हिवाळ्यातही कडाक्याची थंडी पडताना दिसते. दुपारी कडक उन्हामुळे रस्त्यावर गर्दी नसते. जागोजागी शीतपेयांच्या दुकानांवर गर्दी असते. .Maharashtra Heatwave Alert: कमाल तापमानात वाढ होण्याची शक्यता.उष्माघाताचेही प्रमाण वाढल्याचे दिसते. जनावरांना व पाळीव प्राण्यांना सावलीत ठेवून वेळेवर पुरेसे पाणी द्यावे. उन्हापासून स्वतःसह जनावरांचे संरक्षण होईल याची दक्षता घ्यावी. लहान मुलांना व पाळीव प्राण्यांना बंद असलेल्या व पार्क केलेल्या वाहनात ठेवू नये. नागरिकांनी या सर्व सूचनांचे काटेकोर पालन करावे, असे आवाहनही उपजिल्हाधिकारी गिते यांनी केले आहे. .आपत्कालीन परिस्थितीत मदतीसाठी १०७७, १०२, १०४, १०८ व ११२ या क्रमांकांवर संपर्क करावा. नागरिकांनी तहान लागली नसली, तरीही दर अर्ध्या तासाने पुरेसे पाणी प्यावे. शरीरातील पाणी कमी होऊ नये म्हणून ओ. आर. एस., लस्सी, ताक, कैरीचे पन्हे व लिंबू पाण्याचा नियमित वापर करावा. दुपारी बारा ते तीन वाजेदरम्यान घराबाहेर जाणे टाळावे. छत्री वा टोपीचा वापरा. गडद कपड्यांऐवजी हलके, पातळ व सच्छिद्र सुती कपडे वापरावेत. प्रवासात पिण्याचे पाणी नेहमी सोबत ठेवावे. दारू, चहा, कॉफी व कार्बोनेटेड थंड पेये घेणे टाळावे, तसेच उच्च प्रथिनयुक्त आहार व शिळे अन्न खाऊ नये, असे आवाहन केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
