पिकातील विविध किडींपैकी हुमणी ही बहुभक्षी कीड असून, अनेक पिकामध्ये ती नुकसानकारक ठरते. हुमणी ही कीड ऊस या पिकाशिवाय भात, भुईमूग, मका, बाजरी या पिकांमध्ये अढळून येते. हुमणीच्या अळ्या पिकाची तंतुमुळे खातात. ती उपलब्ध नसल्यास सेंद्रिय पदार्थ खातात. हुमणी अळीच्या नियंत्रणासाठी मेटारायझीम या जैविक बुरशीचा वापर करुनही जैविक पद्धतीने हुमणीचं नियंत्रण करता येतं. मेटारायझीम हे बुरशीपासून तयार केलं जाणारं जैविक कीडनाशक आहे. ही बुरशी हुमणी अळीच्या शरीराच्या ओलाव्यावर वाढते. त्यानंतर आत शिरून तिच्यावर उपजीविका करते. त्यामुळे मेटारायझीमच्या संपर्कात आलेली अळी साधारण १० ते १५ दिवसांत मरते.