India GMO import decision: भारत आणि अमेरिकेमधील द्विपक्षीय व्यापार करार अजूनही शेतीच्या मुद्यावर अडकलेला आहे. अमेरिकेला भारतात आपले डेअरी आणि शेतीमाल विक्रीसाठी बाजार खुले करायचा आहे. त्यासाठी भारताने काही सवलती द्याव्यात, अशी मागणी अमेरिकेची आहे. मात्र अमेरिकेतील डेअरी आणि शेतीमाल हा अनुदानित असल्यामुळे तुलनेने स्वस्त असतो. शिवाय तिथे उत्पादकताही अधिक आहे. त्यामुळे देशातील शेतकऱ्यांच्या हिताचा विचार करून भारत हा बाजार अमेरिकेसाठी खुला करण्यास सध्या तयार नाही. यामुळे मागील तीन महिन्यांपासून भारत-अमेरिका व्यापार करार अंतिम होऊ शकलेला नाही.