cotton price: देशातील बाजारात कापसाची आवक कमी झाली आहे. कापसाला सरासरी ७ हजार ते ७ हजार ५०० रुपयांचा भाव मिळत आहे. देशातील बाजारात उडदाची आवक कमीच आहे. उडदाला सरासरी ६ हजार ५०० ते ७ हजारांचा भाव मिळत आहे. राज्यातील बाजारात काकडीची आवक मागील काही दिवसांपासून वाढली आहे. आज राज्यातील अनेक भागात काकडीला सरासरी प्रतिक्विंटल १५०० ते १७०० रुपये दर मिळत आहे. राज्यातील बाजारात पेरुची आवक काहीशी वाढली आहे. पेरुला सरासरी ३ हजार ते ५ हजार रुपयांच्या दरम्यान गुणवत्ता आणि व्हरायटीनुसार दर मिळत आहे. ढोबळी मिरचीचे दर मागील काही आठवड्यांपासून काहीसे नरमले होते. ढोबळी मिरचीला सध्या बाजारात सरासरी गुणवत्तेप्रमाणे ३ हजार ते ३ हजार ५०० रुपयांच्या दरम्यान भाव मिळत आहे.