Tomato price: बाजारातील घटती आवक आणि वाढलेला उठाव यामुळे सध्या टोमॅटोच्या दरात चांगली तेजी आली. राज्यात सर्वात मोठ्या नारायणगाव बाजारात टोमॅटो सरासरी ४ हजाराने विकला जात आहे. तर उचांकी भाव ५ हजारांवर आहे. बाजारातील हिरव्या मिरचीची आवक कमीच आहेत. हिरव्या मिरचीला सध्या राज्यातील बाजारात सरासरी ३ हजार ५०० ते ४ हजार रुपयांचा दर मिळत आहे. राज्यात श्रावण महिन्यामुळे केळीला चांगला उठाव मिळत आहे. सध्या राज्यात केळीला सरासरी १ हजार ५०० ते २ हजार रुपयांच्या दरम्यान दर मिळत आहे. राज्यातील बाजारात मागील आठवडाभरापासून कोथिंबरीची आवक काहीशी वाढली आहे. घाऊक बाजारात कोथिंबीर १० ते १२ रुपये प्रतिजुडीने विकली जात आहे. आज हा दर ५ ते ७ रुपये प्रतिजुडीवर आला. देशात २०२४ मध्ये तुरीचे उत्पादन कमीच राहीले. मात्र आयात वाढली. सध्या देशातील बाजारात तुरीला सरासरी ६ हजार ते ६ हजार ५०० रुपयांचा दर मिळत आहे.