soybean price: देशात आणि आंतरराष्ट्रीय बाजारात सोयाबीनचे भाव दबावातच आहेत. सोयाबीनला सरासरी ४ हजार ते ४ हजार ३०० रुपयांचा दर मिळत आहे. मक्याला देशात चांगली मागणी आहे. सध्या मका २ हजार १०० ते २ हजार ३०० रुपयांच्या दरम्यान विकला जात आहे. कांद्याचे भाव मागील दोन आठवड्यांपासून काहीसे कमी अधिक होताना दिसत आहेत. कांद्याचा भाव राज्यातील बहुतांशी बाजारांमध्ये प्रतिक्विंटल ११०० ते १४०० रुपयांच्या दरम्यान आहेत. राज्यातील बाजारात गवारचे दर तेजीत आहेत. सध्या बाजारात गावरला ६ हजार ते ८ हजार रुपये गुणवत्तेनुसार दर मिळत आहे. काकडीची बाजारातील आवक कमी झाली आहे. राज्यातील बहुतांशी बाजारांमध्ये काकडीला सरासरी २ हजार ते २ हजार ५०० रुपयांच्या दरम्यान भाव मिळत आहे.