Nanded News: शेतकऱ्यांच्या वाढत्या आत्महत्या रोखण्यासाठी शेतीचे उत्पादन वाढणे आणि शेतकऱ्यांना अधिक उत्पन्न मिळणे अत्यावश्यक आहे. त्यासाठी भारतीय शेतकऱ्यांना जीएम (जनुकीय सुधारित) बियाण्यांच्या वापरास परवानगी देणे हा महत्त्वाचा पर्याय ठरू शकता, अशी मागणी शरद जोशीप्रणीत शेतकरी संघटनेकडून करण्यात आली आहे. मराठवाड्यातील खासदार व आमदारांनी या संदर्भात सरकारकडे पाठपुरावा करावा, असे आवाहन करण्यात आले..माहूर येथे नुकत्याच झालेल्या कृषी तंत्रज्ञान व पिकांच्या व्यापार परिषदेत हा मुद्दा ठळकपणे मांडण्यात आला. परिषदेत झालेल्या ठरावानुसार मराठवाड्यातील सर्व लोकप्रतिनिधींनी केंद्र व राज्य सरकारकडे जीएम बियाण्यांवरील निर्बंध शिथिल करण्याची मागणी करावी, असे ठरविण्यात आले आहे. .GM Seeds Ban: सोयाबीन आणि कडधान्य पिकांमध्ये जीएमच्या वापराला कृषिमंत्री चौहान यांचा नकार.यासाठी शेतकरी संघटनेचे पदाधिकारी विविध खासदार-आमदारांची भेट घेऊन निवेदन देत आहेत. जीएम बियाण्यांमुळे पिकांची रोग-किडीविरुद्ध प्रतिकारशक्ती वाढते, दुष्काळ सहन करण्याची क्षमता वाढते आणि उत्पादनात वाढ होते. तसेच काही वाणांवर तणनाशक फवारले तरी पिकांना हानी होत नाही. .GM Crop : जीएम पिक लागवड परवानगीबाबत भारतात गोंधळ सुरुच.भारतामध्ये सध्या बीटी कापूस या जीएम पिकालाच व्यावसायिक लागवडीची परवानगी आहे. मात्र जगातील अनेक देशांमध्ये प्रगत जीएम तंत्रज्ञानाचा वापर करून सोयाबीन व कापसाचे अधिक उत्पादन घेतले जाते. अमेरिका, इस्राईल व काही युरोपीय देशांमध्ये सोयाबीनचे सरासरी १०० क्विंटल प्रति हेक्टर, तर कापसाचे सुमारे ७० क्विंटल उत्पादन मिळत असल्याचे परिषदेत सांगण्यात आले..देशात सर्वाधिक शेतकरी आत्महत्या महाराष्ट्रात होत असून विदर्भ आणि मराठवाडा हे प्रदेश अधिक प्रभावित आहेत. वाढता उत्पादन खर्च, मजूर टंचाई, उत्पादन घट यामुळे अनेक शेतकरी आर्थिक संकटात सापडतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
