onion rate: कांद्याच्या भावात मागील आठवडाभरात काहीसे चढ उतार सुरु झाले. बाजारात सध्या कांदा १ हजार ३०० ते १ हजार ६०० रुपयांच्या दरम्यान विकला जात आहे. राज्यातील बाजारांमध्ये मागील ३ आठवड्यांपासून कोथिंबरीची आवक कमी होत गेली. बाजारात सध्या कोथिंबीरला प्रतिक्विंटल सरासरी ११०० ते १५०० रुपये दर मिळत आहे. तर जुडीला प्रतिशेकडा १० ते ११ रुपये दर मिळत आहे. बाजारातील ज्वारीची आवक टिकून आहे. त्यामुळे दरही काहीसे स्थिरावले आहे. सध्या ज्वारीला प्रतिक्विंटल सरासरी २ हजार ५०० ते ३ हजार रुपयांच्या दरम्यान भाव मिळत आहे. बाजारातील शेवग्याची आवक कमीच आहे. त्यामुळे शेवग्याचे भावही तेजीतच आहेत. शेवगा आजही ५ हजार ते ६ हजार रुपये प्रतिक्विंटलच्या दरम्यान विकला गेला.
देशातील बाजारात सोयाबीनचा भाव मंदीतच आहे. सध्या सोयाबीनला सरासरी ४ हजार १०० ते ४ हजार ३०० रुपये दर मिळत आहे.