Harbhara bhav: हरभऱ्याच्या दरात मागील काही आठवड्यांपासून काहीसे चढ उतार सुरु आहे. सरकारने हरभरा आयातीवर केवळ १० टक्के शुल्क लागू केले. सध्या बाजारात हरभरा ५ हजार २०० ते ५ हजार ५०० रुपयांच्या दरम्यान विकला जात आहे. बाजारातील वांगीची मागणी टिकून आहे. मात्र वांगीच्या आवकेत चढ उतार दिसत आहेत. सध्या वांगी २ हजार ते २ हजार ५०० रुपयाने विकली जात आहे. बाजारातील पेरुची आवक मागील ३ आठवड्यांपासून मर्यादीत दिसत आहे. सध्या पेरू ३ हजार ते ४ हजार रुपये प्रतिक्विंटलने विकला जात आहे. हळदीचे भाव मागील २ आठवड्यांपासून स्थिरावले आहेत. आंतरराष्ट्रीय बाजारात निर्माण झालेल्या अनिश्चित परिस्थितीमुळे निर्यातीवरही परिणाम होत आहे. हळदीचे भाव मागील महीनाभरात क्विंटलमागे ५०० ते एक हजार रुपयाने कमी झाले आहेत. सध्या हळद ११ हजार ते १२ हजाराने विकली जात आहे. आंतरराष्ट्रीय बाजारात कच्च्या तेलाच्या किमती वाढल्यानंतर मागील ३ दिवसांमध्ये कापसाच्या दरातही काहीशी सुधारणा पाहायला मिळाली. आंतरराष्ट्रीय बाजारात आज कापसाचे वायदे ६७ सेंट प्रतिपाऊंडच्या दरम्यान होते. तर देशात कापूस ७ हजार २०० ते ७ हजार ५०० रुपयांच्या दरम्यान विकला जात आहे.