Green chilli market rate: पाऊस सुरु झाल्यापासून राज्यातील बाजारात हिरव्या मिरचीची आवक दिवसागणिक कमी होत आहे. सध्या राज्यातील बाजारात हिरव्या मिरचीला प्रतिक्विंटल सरासरी ५ हजार ते ७ हजार रुपये भाव मिळत आहे. लसणाचे भाव राज्यातील बाजारात मागील काही आठवड्यांपासून टिकून आहेत. लसणाला सध्या बाजारात गुणवत्तेप्रमाणे सरासरी ५ हजार ते ७ हजार रुपयांचा दर मिळत आहे. देशात यंदा बटाटा उत्पादन चांगले झाले. बटाट्याला सध्या प्रतिक्विंटल सरासरी १५०० ते २ हजार रुपयांच्या दरम्यान भाव मिळत आहे. दर्जेदार केळीला सध्या चांगली मागणी आहे. केळी आवकेत  सतत घट झाली आहे. त्यामुळे २६०० रुपये प्रतिक्विंटलपर्यंत पोहोचले होते. सध्या निर्यातक्षम किंवा गुणवत्तापूर्ण केळीस कमाल दर २६०० रुपये प्रतिक्विंटल मिळत आहेत. देशातील बाजारात सोयाबीनचा भाव मंदीतच आहे. सध्या सोयाबीनला सरासरी ४ हजार १०० ते ४ हजार ३०० रुपये दर मिळत आहे.