Soybean Yellow disease: सोयाबीनच्या पानाच्या मुख्य शिरेजवळ विखुरलेल्या अवस्थेत पिवळ्या रंगाचे चट्टे किंवा अनियमित पट्टे दिसत असतील तर हा पिवळा मोझॅक रोग आहे असं समजावं.  त्यानंतर जशी पाने पक्व होत जातात तसं पानावर गंजलेले तांबूस रंगाचे चट्टे दिसतात. काही वेळा जास्त प्रादुर्भाव असल्यास पाने अरुंद होतात आणि मुरगळतात. पिकाच्या लहान अवस्थेत जर रोगाचा प्रादुर्भाव झाला तर पूर्ण झाड पिवळं पडतं. हा विषाणू पानातील रसामार्फत पसरतो आणि हा प्रसार प्रामुख्याने पांढऱ्या माशी या रसशोषक किडीद्वारे होतो. त्यामुळे पिवळा मोझॅक रोगावर नियंत्रण मिळवायच असेल तर पांढऱ्या माशीच्या नियंत्रणासाठी उपाय करावेत.