Soybean Crop Loss: सोयाबीनचे भाव पडलेले असतानाच आता आणखी एक संकट सोयाबीन उत्पादकांवर आलं आहे. सोयाबीन पिकाला शेंगा न लागल्यामुळे अनेक शेतकरी त्रस्त आहेत. पेरलेल्या वाणांमध्ये दोष असल्यामुळे सोयाबीनला शेंगा लागलेल्या नाहीत, असं काही शेतकऱ्यांचं म्हणणं आहे. परंतु यावर स्पष्टीकरण देताना सोयाबीन पैदासकार  डॉ. मिलिंद देशमुख यांनी म्हटलं आहे की, सतत पाऊस पडल्यामुळे सोयाबीनला शेंगा लागल्या नाहीत. वाणाचा यामध्ये काही दोष नसल्याचे त्यांनी म्हटले आहे.