urad dal price: बाजारातील उडदाची आवक कमीच आहे. मागणीपेक्षा सध्याची आवक कमी असल्याचे व्यापारी सांगत आहेत. मात्र तरीही उडदाला हमीभावापेक्षा कमी भाव मिळत आहे. बाजारात सध्या उडीद ६ हजार ते ६ हजार ५०० रुपयाने विकला जात आहे. ज्वारीचे उत्पादन चांगले झाल्याने दरावर दबाव असल्याचे दिसत आहे. दरपातळी २०० ते ३०० रुपयांनी कमी झाली होती. ज्वारीच्या दरावरील दबाव आजही कायम आहे. ज्वारीला सरासरी प्रतिक्विंटल २६०० ते २८०० रुपयांच्या दरम्यान भाव मिळत आहेत. आल्याच्या दरात मागील काही आठवड्यांपासून सुधारणा दिसून आली. बाजारातील आल्याची आवकही कमी झाली आहे. आल्याला बाजारात सध्या ४ हजार ते ५ हजार रुपयांच्या दरम्यान दर मिळत आहे. बाजारात टोमॅटोला चांगला उठाव आहे. त्यामुळे टोमॅटोचे दरही स्थिर दिसत आहेत. टोमॅटोचे भाव राज्यातील मोठ्या बाजारांमध्ये सध्या १५०० ते २ हजार रुपये आहेत. गाजराची बाजारातील आवक मागील काही आठवड्यांपासून कमी झाली आहे. सध्या बाजारात गाजर प्रतिक्विंटल सरासरी २ हजार ते २ हजार ५०० रुपयांच्या दरम्यान विकले जात आहे.