Harbhara price: हरभऱ्याच्या दरात मागील काही आठवड्यांपासून चढ उतार सुरू होते. मात्र तीन दिवसांपासून दर स्थिरावले आहेत. सध्या बाजारात हरभरा ५ हजार २०० ते ५ हजार ५०० रुपयांच्या दरम्यान विकला जात आहे. मक्याचा बाजार मागील काही दिवसांपासून स्थिर आहे. बाजारातील मक्याची आवक सध्या कमी झाली. सध्या देशात मक्याला सरासरी २ हजार ते २ हजार २०० रुपयांच्या दरम्यान भाव मिळत आहे. लसणाच्या बाजारात मागील काही दिवसांपासून सुधारणा दिसून आली. लसणाच्या भावात दोन आठवड्यांमध्ये सरासरी ५०० ते १ हजार रुपयांची वाढ दिसून आली. लसणाचे भाव राज्यातील बहुतांशी बाजारांमध्ये सध्या ७ हजार ते ८ हजार रुपये प्रतिक्विंटलच्या दरम्यान होते. राज्यातील बाजारात आल्याचे भाव मागील काही आठवड्यांपासून स्थिर आहेत. सध्या आल्याला २५०० ते ३ हजार रुपये भाव मिळत आहे. ज्वारीचे उत्पादन चांगले झाल्याने दरावर दबाव असल्याचे दिसत आहे. रब्बीच्या ज्वारीची बाजारात आवक सुरु झाल्यानंतर दरावर दबाव वाढला होता. दरपातळी २०० ते ३०० रुपयांनी कमी झाली होती. ज्वारीला सरासरी प्रतिक्विंटल २६०० ते २८०० रुपयांच्या दरम्यान आहेत.