Buldana News: मलकापूर तालुक्यातील दाताळा शिवारात महावितरणच्या रोहित्रांवरील विजेच्या तारांची चोरी झाल्याने परिसरातील शेतकरी मोठ्या संकटात सापडले आहेत. या पार्श्वभूमीवर वीजपुरवठा तातडीने सुरळीत न झाल्यास तीव्र आंदोलन छेडण्याचा इशारा शेतकऱ्यांनी दिला आहे..दाताळा परिसरात महावितरणच्या ४ ते ५ रोहित्रांवरील विद्युत तारांची चोरी झाल्याची घटना काही दिवसांपूर्वी घडली. त्यामुळे शेतीपंपांचा वीजपुरवठा पूर्णपणे खंडित झाला आहे. परिसरातील शेतकऱ्यांना आधीच दिवसा केवळ ५ ते ६ तास वीज मिळत असून, त्यातही तारांची चोरी झाल्याने शेतीचा पाणीपुरवठा थांबला आहे. सध्या उष्णतामान वाढल्याने उभ्या पिकांवर त्याचा मोठा परिणाम होत असून पिके करपण्याची भीती निर्माण झाली आहे..Water Theft: घोडच्या उजव्या कालव्याचा भराव फोडून पाणीचोरी.अॅड. रावळ व श्री. खर्चे यांच्या नेतृत्वात शेतकऱ्यांच्या शिष्टमंडळाने मलकापूर येथील महावितरण कार्यालयात धडक देत वरिष्ठ अधिकाऱ्यांची भेट घेतली. या वेळी येत्या चार ते पाच दिवसांत चोरी गेलेल्या तारांची दुरुस्ती करून वीजपुरवठा सुरळीत करावा, .Farm Theft: डोंगरगाव शेत शिवारांत चोरीत वाढ.अन्यथा महावितरण कार्यालयावर तीव्र आंदोलन करण्यात येईल,” असा इशारा देण्यात आला. शेतकऱ्यांचा आक्रमक पवित्रा पाहता महावितरणच्या अधिकाऱ्यांनी नमती भूमिका घेत वीजपुरवठा लवकर सुरू करण्यात येईल, असे आश्वासन दिले..यावेळी प्रभाकर पाटील, बंडूभाऊ पाचपोळ, विजय पाटील, दीपक वाघोदे, अमोल दंडे, दादाराव चौधरी, एकनाथ सातव, वसंत बोरले, विक्रमसिंह राजपूत, कृष्णा खरसने, विलास गावंडे, शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
