Tur Crop: कापूस आणि तूर यासारख्या पिकामध्ये पेरणीनंतर ३० ते ३५ दिवस, ४० ते ६० दिवस आणि ८० ते ९० दिवसानंतर खते दिल्यास पिकाच्या प्रत्येक अवस्थेमध्ये अन्नद्रव्यांचे संतुलन झाल्याने फुलोरा चांगला येऊन दाणे भरण्यास मदत होते. पेरणीनंतर ३० ते ३५ दिवसांनी नत्र आणि स्फुरद तसंच ४० ते ४५ दिवसानंतर पालाश या अन्नद्रव्याचा पुरवठा केल्यास अत्यंत चांगले परिणाम दिसून येतात. पीक वाढीच्या काळात अन्नद्रव्यांचा पुरवठा हा नेहमीच्या रासायनिक खतामधून किंवा विद्राव्य खतामधून करता येतो.